Qazaqstanda jańa Salyq kodeksi qabyldandy. Oǵan sáıkes, 2026 jyldyń 1 qańtarynan bastap jyljymaıtyn múlikti satý kezinde keıbir jaǵdaılarda salyq kólemi 10-nan 15% - ǵa deıin ósedi, dep habarlaıdy Dalanews.kz.
Baspana satyp alýdaǵy qazirgi jaǵdaı men aldaǵy jyldaǵy jaǵdaıdy salystyra otyryp, atalǵan máseleniń egjeı-tegjeıin krisha.kz basylymy jazady.
Salyqty qashan tóleý kerek?
Eger siz baspanaǵa bir jyldan asa ýaqyt qana ıelik etip, ony satqan bolsańyz, onda odan túsken aqshadan salyq tóleısiz (satý baǵasy satyp alý baǵasynan joǵary).
Kez kelgen múlik satylǵanda salyq salýǵa jatady: páterler, úıler, saıajaılar; qoımalar; avtoturaq nemese garaj; jer ýchaskesi.
Qazirgi jaǵdaı qalaı?
Qazir salyqtyń syıaqy mólsherlemesi satý qunynyń 10 %-yn quraıdy. Bul ereje 2025 jyldyń sońyna deıin óz kúshinde bolady.
Al jańa ereje boıynsha memleketke tóleıtin osy salyq kólemi azdap ulǵaıady
2026 jyldyń 1 qańtardan bastap jańa Salyq kodeksi kúshine enedi. Onda jyljymaıtyn múlikti satý kezinde alynatyn salyqqa qatysty eki negizgi ózgeris bar:
1. Menshik merzimi eki jylǵa deıin artady.
Satylymnan túsken aqshadan salyq tólemeý úshin jyljymaıtyn múlik kem degende jeke tulǵanyń atynda eki jyl bolýy kerek. Iaǵnı, ıelik etý merzimi týra eki esege, bir jyldan eki jylǵa deıin ulǵaıtyldy.
Bul arada eskeretin mańyzdy jaıt: eki jyldyq norma tek 2026 jyldyń 1 qańtarynan bastap jáne odan keıin satyp alynǵan jyljymaıtyn múlikke qatysty bolady. Iaǵnı, is júzinde bul salyq 2028 jyldyń 1 qańtarynan bastap tólenedi.
Al jyljymaıtyn múlikti 2025 jyldyń sońyna deıin satyp alǵandar úshin eski ereje qoldanylady: merzimi bir jyldan assa, salyq salynbaıdy. 2026 jylǵa deıin páter satyp alǵandar burynǵy ereje boıynsha áreket etedi: eger páter bir jyldan astam ýaqyt óz ıeligińizde bolsa, onda satý kezinde salyq tóleýdiń qajeti joq.
2. Salyq mólsherlemesi 15%-ǵa deıin qymbattaıdy.
JTS-tyń bazalyq mólsherlemesi ózgerissiz qalady: qun ósiminiń 10% (satyp alý baǵasy men satý arasyndaǵy aıyrma). Biraq eger paıda 8500 AEK-ten asatyn bolsa, onda osy shekti deńgeıge deıingi somaǵa 10% mólsherleme qoldanylady, al odan joǵary kez kelgen nársege — 15 %.
Jańa Salyq kodeksine sáıkes, satýdan túsken aqsha 8500 AEK-ten assa (2025 jyly bul shamamen 33.4 mln teńge), ol joǵary paıda bolyp tabylady.
Salyqty qalaı esepteımiz?
- Páter satyp alyp, ony bir jyldan keıin satý. Paıda - 10 mln teńge.
- Salyq - 10% nemese 1 mln teńge.
- 2,5 jyldan keıin satý. Paıda - 40 mln teńge.
- Salyq - 0 teńge, sebebi ıelik etý merzimi jetkilikti.
- Bir jyldan keıin satý. Paıda - 50 mln teńge.
34 mln-ǵa deıin 10% mólsherleme boıynsha salyq salynady: 3,4 mln teńge. Bul shekti mánnen asatyn somaǵa (16 mln) - 15% mólsherleme: 2.4 mln teńge. Salyq - 5.8 mln teńge.
Sheteldikter (QR rezıdentteri emes) jyljymaıtyn múlikti ıelený merzimine qaramastan 15% tóleıdi.
Salyqty qalaı tóleýge bolady?
Aldymen siz deklarasıa tapsyrýyńyz kerek (270.00 nysany), páterińizdi satqannan keıin kelesi jyldyń 15 qyrkúıegine deıin.
Salyqty tóleý kerek: 25 qyrkúıekke deıin, ıaǵnı ótinish bergennen keıin 10 kún ishinde.
Ony bylaı jasaı alasyz:
- E-Salyq Azamat mobıldi qosymshasy arqyly.
- eGov. kz saıtynda.
- Elektrondyq "salyq tóleýshiniń kabınetinde".
- Aýdandyq memlekettik kirister basqarmasyna jekeleı baryp.
Sonymen qatar, 1 qańtardan bastap baı-baǵlandar salyǵy paıda bolady. Eger obektilerdiń jıyntyq quny 450 mln teńgeden asatyn bolsa, onda osyndaı salyqty tóleýge týra keledi.
