Prezident Qasym-Jomart Toqaevtyń 2024 jylǵy Joldaýynda berilgen tapsyrmaǵa sáikes, elimizde aldaǵy úsh jylda 1300 mektepti jańǵyrtý kózdelse, sonyń bir bóligi Astana qalasynda júzege aspaq. Osy maqsatta 2025-2027 jyldarǵa arnalǵan jospar boiynsha elordada 22 mektepke kúrdeli jóndeý júrgiziledi. Biyl salynǵanyna birneshe onjyldyq bolǵan, tozyǵy jetken 6 bilim oshaǵy qaita jańartylady,- dep habarlaidy Dalanews.kz
Jóndeý jumysy tek injenerlik jeliler men ǵimarat qurylymyn qalpyna keltirýmen shektelmei, oqý úderisin zamanaýi talaptarǵa sai jabdyqtaýdy da qamtidy.
Bekitilgen josparǵa sáikes, biyl №1, 14, 21, 35, 61, 69 mektepterin qaita jańartý josparlanǵan.
Atalǵan mektepter 2000 jyldarǵa deiin salynǵan jáne sońǵy 5 jylda kúrdeli jóndeýden ótpegen, sondai-aq, olardyń materialdyq-tehnikalyq bazasy tómen tozý jaǵdaiynda tur.
Daiyndalǵan jobalyq-smetalyq qujattamaǵa sáikes, atalǵan mektepterde jylytý jáne jeldetý júielerin jańǵyrtý, sý jáne káriz jelilerin jóndeý, sáýlet-qurylys bóligi boiynsha jumystardy júrgizý (shatyrdy jóndeý, qasbetti jańartý, ishki árleý, sondai-aq ǵimarattyń negizgi qabattardy retke keltirý), qýat jabdyqtary men elektr jaryǵyn retke keltirý, avtomatty órt dabyly júiesi men álsiz tok jelilerin jańartý jumystary júrgizilýde.
Budan basqa, kúrdeli jóndeý aiasynda oqý synyptaryn qosymsha jaraqtandyrý, sandyq jabdyqtardy satyp alý, jihazdardy jańartý, qaýipsizdik júiesin ornatý, sondai-aq ashanalar, kitaphanalar, sport jáne akt zaldary men basqa da úi-jailardy modernizatsiialaý josparlanǵan.
Atalǵan jumys «Jaily mektep» jobasy aiasynda jasalǵan obektilerdi jaraqtandyrý standarttary, tehnikalyq sipattamalary men jobalyq sheshimderin eskere otyryp oryndalatyn bolady.
