Almaty ákimdigi "Family Park aýmaǵyna turǵyn úi kesheni nemese basqa da qurylys nysandary salynady" degen aqparatty joqqa shyǵardy, dep habarlaidy dalanews.kz.
Qala ákimdigi málimetinshe, áleýmettik jeli men buqaralyq aqparat quraldarynda taraǵan mundai aqparat shyndyqqa sáikes kelmeidi.
Qoldanystaǵy Bas jospar men josparlaý jobasyna sai Family Park qoǵamdyq demalys aimaǵy mártebesin saqtaidy. Onyń nysanaly maqsatyn ózgertý josparlanbaǵan.
Qazir saiabaqty memlekettik basqarýǵa qaitarý jáne ony jan-jaqty jańǵyrtý máselesi qaralyp jatyr. Joba aiasynda aýmaqty abattandyrý, injenerlik jelilerdi jańartý jáne turǵyndar úshin jaily ári qaýipsiz demalys keńistigin qalyptastyrý kózdelgen.
Ákimdik málimetinshe, saiabaqty uzaq jyl paidalanǵan jalǵa alýshy ony kútip-ustaý jáne damytý jónindegi mindettin tolyq oryndamaǵan. Sonyń saldarynan demalys aimaǵynyń infraqurylymy aitarlyqtai tozǵan.
"Jańǵyrtý jumystarynyń negizgi maqsaty - Family Park-ti qoǵamdyq demalys orny retinde saqtap, ony zamanaýi, qaýipsiz, qoljetimdi ári múmkindigi shekteýli azamattarǵa da yńǵaily saiabaqqa ainaldyrý", - dedi ákimdik ókilderi.
