Threads jelisinde Italiiada oqýǵa qatysty qyzyq jazba paida boldy. Jeli qoldanýshylary qazaqstandyqtardyń bul elde tegin oqýyn eski Qazaqstanmen, sonyń ishinde eks-prezident Nursultan Nazarbaevpen bailanystyrdy, dep habarlaidy Dalanews.kz.
Jeli qoldanýshylarynyń biriniń aitýynsha, Italiia qazaqstandyqtarǵa tegin oqýǵa múmkindik beredi, sebebi bul el úshin Qazaqstan - kedei memleket.
"Ne qýanarymdy, ne jylarymdy bilmeimin. Italiia qazaqtarǵa stipendiia beredi: tegin oqý, oǵan qosa jylyna 8 000 eýroǵa deiingi tólem. Ádette biz uzaq protsessten ótemiz: qujattardy aýdaramyz, zańdastyramyz, otbasynyń tabysyn dáleldeimiz... Bul joly stýdentim UniMi-ge (Milan ýniversitetine) oqýǵa tústi jáne munyń eshqaisy talap etilmedi. Óitkeni Qazaqstan "kedei elder" tizimine engen", - dedi ol.
Threads jelisiniń taǵy bir qoldanýshysy bul múmkindikti Nazarbaevtyń Eýropadaǵy aktivterimen bailanystyrǵan.
"Bul úshin Italiia Nazarbaev klanynyń urlanǵan aqshasyn paidalanatynyn bilesiz be? Óitkeni Nazaraevtyń shveitsariialyq esepshottarynyń birazyn Eýropa baiaǵyda buǵattaǵan, keiin olar ymyraǵa kelgen, keibir Eýropa elderi olardy Qazaqstanmen aradaǵy stýdenttik baǵdarlamalar úshin paidalanady. Italiia birden reaktsiia berdi, Vengriia da solai. Olar óz ýniversitetterin bankrot bolýdan osylai qutqarady, stýdentterimizge kómektesedi, al eń bastysy Qazaqstannyń jemqor biligi men oligarhtaryna aqshany qaitarmaidy", - dedi ol.
Áleýmettik jelide bul jazbalar qyzý talqylanyp jatyr, keibireýler mundai pikirmen jurtty adastyrmaýyn surasa, endi bireýler oqý týraly keńirek aqparat berýin suraǵan.
