Aqmola oblysy Esil aýdanynda memlekettik qyzmetshiler qumar oiyndarǵa qatysqan. Bul týraly óńir prokýratýrasy málimdedi, dep habarlaidy dalanews.kz.
Esil aýdanynyń prokýratýrasy júrgizgen taldaý barysynda internet arqyly býkmekerlik keńselerde bás tigýmen ainalysqan 2 memlekettik qyzmetshi anyqtalǵan.
Olardyń biri Esil aýdany ákimdiginiń dene shynyqtyrý jáne sport bóliminiń basshysy, ekinshisi turǵyn úi-kommýnaldyq sharýashylyǵy, jolaýshylar kóligi, avtomobil joldary jáne turǵyn úi inspektsiiasy bóliminiń bas mamany laýazymdaryn atqarǵan.
Prokýrorlyq den qoiý sharalary nátijesinde eki laýazymdy tulǵa da atqaryp otyrǵan laýazymynan bosatyldy. Memlekettik qyzmetshilerge mundai áreketterge barýǵa bolmaityny eskertildi.
