Qazaqstandyqtardyń jeke derekteri tarap ketken oqiǵaǵa bailanysty isti UQK tergep jatyr, dep habarlaidy Dalanews.kz.
"Ulttyq qaýipsizdik komiteti Qylmystyq kodekstiń 208-baby 2-bóligi "Aqparatty zańsyz iemdený" boiynsha qylmystyq isti tergep jatyr", - dedi Ishki ister ministrliginiń baspasóz qyzmeti ókili.
Buǵan deiin 16 millionnan asa qazaqstandyqtyń jeke deregi tarap ketti. Aqparatty kibershabýyldy taldaý jáne tergeý ortalyǵy rastady.
Jabyq kanaldar arqyly taraǵan málimetterdiń ishinde azamattardyń tolyq aty-jóni, týǵan kúni, Jeke sáikestendirý nómiri, jynysy, azamattyǵy, telefon nómiri, meken jaiy jáne basqalary bar.
Keiinirek Tsifrlyq damý ministrligi jaǵdaidy tolyq tekserip jatqanyn málimdedi. Sońǵy aqparat boiynsha memlekettik organdardyń bazalaryna hakkerler shabýyldamaǵan.
"Iaǵni osy joly tarap ketken málimetter jeke kompaniialardyń, mikroqarjylyq uiymdardyń bazasynan alynýy nemese eski aqparattar jinaqtalyp qaita jariialanýy múmkin" deidi ministrlik ókilderi.
