Jazǵy demalys kezinde ata-analar balalaryn demaldyryp, jańa oqý jylyna psihologiialyq turǵydan daiyndaýǵa tyrysady. Al bolashaq birinshi synyp oqýshylary úshin bul — úlken ári jaýapty qadam. Sondyqtan da olardyń mektepke beiimdelýin barynsha jeńildetip, bastapqy múmkindikterin teńestirý – mańyzdy mindetterdiń biri. Osy maqsatta elimizde ekinshi jyl qatarynan «Balaqailar mektebi» atty qysqa merzimdi mektepaldy daiarlyq baǵdarlamasy júzege asyrylýda, dep habarlaidy Dalanews.kz.
Baǵdarlama QR Oqý-aǵartý ministrliginiń bastamasymen ázirlenip, Memlekettik jalpyǵa mindetti mektepke deiingi tárbie men bilim berý standartyna sáikes quryldy. Onyń negizgi maqsaty – mektepke deiingi bilim berý men bastaýysh mektep arasyndaǵy sabaqtastyqty qamtamasyz ete otyryp, balalardy oqý protsesine daiyndaý.
Shamamen 90 myń bala qamtylady
Ministrliktiń málimetinshe, 2025 jyldyń jazǵy maýsymynda «Balaqailar mektebinde» shamamen 90 myń bala qamtylmaq. Qazirdiń ózinde eki ai ishinde 25 myńnan astam bala qysqa merzimdi daiyndyq kýrstarynan ótti. Al tamyz aiynda qosymsha 5,3 myń top qurylyp, 65,2 myń balany qamtý josparlanyp otyr.
Baǵdarlamanyń mazmuny balanyń fizikalyq, kommýnikativtik, ziiatkerlik, shyǵarmashylyq jáne áleýmettik-emotsionaldyq daǵdylaryn damytýǵa baǵyttalǵan. Sabaqtar kún saiyn 30 minýttan, 10 minýttyq úzilistermen ótedi. Olardy bilikti bastaýysh synyp muǵalimderi nemese mektepaldy daiarlyq pedagogteri júrgizedi.
Mektepke deiingi bilimge qoljetimdilik
Bul bastama – ásirese balabaqshaǵa barmaǵan balalar úshin úlken múmkindik. Oqý-aǵartý ministrligi bul baǵdarlama arqyly mektepke deiingi bilimge qoljetimdilikti arttyryp, birinshi synyp tabaldyryǵyn alǵash attaityn búldirshinderdiń oqý protsesine oń kózqaraspen beiimdelýin kózdeidi.
Astanadaǵy №71 mektep-litseide osy baǵdarlama aiasyndaǵy sabaqtar qyzý ótip jatyr. Ekinshi kúnniń taqyryby – «Meniń otbasym» boldy. Balalar óz otbasylary týraly áńgimelep, ata-anasy men baýyrlary jaiynda aityp berdi. Plastilinmen jumys jasap, otbasy múshelerin beinelep, róldik oiyndar oinady.
«Ulym balabaqshaǵa barmaǵan edi. Al mektepke degen alǵashqy áseri qorqynyshpen emes, qýanyshpen bastalsa eken degen tilegim boldy. “Balaqailar mektebi” soǵan sebep boldy. Ár kún úige kelgen saiyn óz áserlerimen bólisip otyrady, muǵalimine baýyr basyp qaldy. Eń bastysy – balam mektepke barýǵa ózi yntyq. Bul — men úshin eń úlken jeńis», – deidi ata-ana Aisulý Maratqyzy.
Kishkentai bala úshin mektep – úlken ómirdiń bastamasy. «Balaqailar mektebi» baǵdarlamasy sol ómirge alǵashqy qadamdy senimdi ári sátti jasaýyna jol ashady. Osyndai bastamalar arqyly bilim berý júiesi tek akademiialyq bilimmen shektelmei, balanyń psihologiialyq, emotsionaldyq beiimdelýine de basa nazar aýdaryp otyrǵany qýantady. Shyn máninde, kishkentai qadamdar – úlken bilim jolyna aparady.
