Jetisý oblysynda 9 mamyr Jeńis kúnine orai oblys ákiminiń Kýbogy úshin respýblikalyq báige jarysy ótti. Týrnirge elimizdiń birneshe oblysynan 100-den astam shabandoz qatysty. Merekelik sporttyq sharaǵa oblys ákimi Beibit Isabaev arnaiy bardy, dep habarlaidy dalanews.kz.
«Taldyqorǵan» ippodromynda ótken týrnir at sportynyń 3 túrinen ótti: qunan báige, top báige jáne alaman báige.
Atap aitqanda, Qunan báigede oza shaýyp, 1-oryn alǵan Almaty oblysy Jambyl aýdanynyń «Baq» atty tulparynyń iesi 1 mln. teńge aqshalai syilyqqa ie boldy. Qunan báigege bes oryn taǵaiyndalyp, olardy Jambyl, Pavlodar oblystary men Jetisýdyń Eskeldi, Panfilov aýdandarynan kelgen tulparlar ielendi.
Top báigede Pavlodar oblysynyń «Maidanqara» tulpary ozyp kelip, oǵan 2 mln. teńge aqshalai syilyq usynyldy. Munan keiingi oryndardy Jetisý, Almaty oblystarynyń júirikteri qanjyǵalady.
Alaman báigede Alakól aýdanynyń «Ular» atty jylqysy úzdik shyǵyp, tulpar iesi oblys ákiminiń Kýbogyna jáne 5 mln. teńge aqshalai syilyqqa ie boldy. Sol siiaqty Almaty, Jambyl, Jetisý oblysynynyń júirikteri de túrli deńgeidegi júldelerge ie boldy.
Jalpy ár sanatta oza shapqan sáigúlikter men shabandozdar arnaiy kýboktarmen, diplomdarmen jáne aqshalai syilyqtarmen marapattaldy.
