Reseidiń Týva Respýblikasy Ishki ister ministri Iýrii Zavialov Qyzyl qalasynda iz-túzsiz joǵalǵan eki mektep oqýshysynyń joǵalýyna qatysty negizgi boljamdy jariialady. Onyń aitýynsha, 1 shildeden beri izdestirilip jatqan 13 jastaǵy qyzdar sýǵa ketýi múmkin, dep habarlaidy dalanews.kz.
Ministr izdestirý-qutqarý operatsiiasy júrip jatqan aýmaqqa arnaiy baryp, quqyq qorǵaý organdary barlyq yqtimal nusqany tekserip jatqanyn málimdedi.
"Biz barlyq nusqany qarastyryp jatyrmyz. Qazirgi tańda negizgi boljam – qyzdardyń sýǵa ketken bolýy múmkin degen joramal. Sondyqtan jedel shtab qurylyp, ózende keshendi izdestirý sharalary júrgizilýde. Degenmen tergeý barysynda basqa da yqtimal jaǵdailardyń bári jan-jaqty tekseriledi. Jedel-izdestirý is-sharalary aiaqtalǵannan keiin naqty qorytyndy jasaýǵa bolady", – dedi Iýrii Zavialov.
Ministrdiń bastamasymen izdeý jumystaryna Qyzyl eparhiiasynyń áleýmettik bóliminiń jetekshisi, dini qyzmetker Dmitrii ákei de qosylǵan. Ol qutqarýshylarmen birge Enisei ózeniniń akvatoriiasyn tekserýge qatysyp jatyr.
Izdestirý jumystary tek Qyzyl qalasynda ǵana emes, sonymen qatar Ýlýg-Hem aýdanynda da jalǵasýda. Aýdandyq politsiia bóliminiń málimetinshe, bul aýmaqta izdeýge 15 politsiia qyzmetkeri, 3 qutqarýshy, aýdan ákimdiginen 20 maman jáne 30 erikti jumyldyrylǵan. Enisei ózenin tekserý úshin bes qaiyq paidalanylyp jatyr.
Qazirgi ýaqytta politsiia, tótenshe jaǵdailar qyzmeti, eriktiler men basqa da vedomstvo ókilderi ózen jaǵalaýyn, araldardy jáne oǵan jaqyn aýmaqtardy tolyq tekserýdi jalǵastyryp jatyr. Izdeý jáne jedel-izdestirý sharalary ázirge toqtatylǵan joq.
