Ulttyq dombyra kúni men Astana kúni qarsańynda qalalyq jazǵy amfiteatr sahnasynda mýltimediialyq mýzykalyq qoiylym ótti, dep habarlaidy dalanews.kz.
Mádeni is-shara dombyra óneriniń tarihi mańyzyn dáripteýge jáne qazaq mádenietin zamanaýi formatta tanytýǵa baǵyttaldy.
Astana qalasy Mádeniet basqarmasy basshysynyń orynbasary Aqerke Jumanbaevanyń aitýynsha, Astana kúnine orai elorda turǵyndary men qonaqtary úshin 200-den astam is-shara josparlanǵan.
«Biz árbir turǵyn men qala qonaǵy ózine unaityn is-sharany tańdap, jalpy halyqtyq merekeni tamashalaǵanyn qalaimyz. Al búgin, Ulttyq dombyra kúnine orai, ulttyq mádeni dástúrler men jasandy intellekt úilesim tapqan biregei joba júzege asyrylyp jatyr. Kúni boiy qala turǵyndary men qonaqtary dombyramen jáne ózge de ulttyq aspaptarmen tanysyp, balalar ulttyq aspapta oinaýdy úirendi, sondai-aq aspap jasaý boiynsha sheberlik sabaqtary uiymdastyryldy. Is-sharanyń eń áserli sáti – ashyq aspan astynda ótken kontsert boldy. Onda jandy mýzyka, halyq ánderi men bileri eń zamanaýi tehnologiialarmen úilesim tapty. Bul – biz úshin jańa, óte qyzyqty ári bolashaǵy zor tájiribe», – dedi Aqerke Jumanbaeva.
Eske salaiyq, búgin elordada ulttyq mýzykalyq murany jáne qazaqtyń biregei dombyra ónerin dáripteýge arnalǵan interaktivti, mádeni-tanymdyq is-sharalar uiymdastyryldy.
