6 shildege qaraǵan túni Astanada Elorda kúnine orai uiymdastyrylǵan dron shoýy qala turǵyndarynyń kóńilinen shyqpady. Kópshilik qoiylymnyń tym qysqa bolǵanyn jáne uiymdastyrý deńgeiine qatysty syn aitty, dep habarlaidy dalanews.kz.
Ztb news málimetinshe, kórermen shoý bastalýyn shamamen 30 minýt kútken. Al qoiylymnyń ózi nebári bes minýtqa ǵana sozylǵan. Onyń ishinde biraz ýaqyt ánshi Enrike Iglesiastyń kontserti jarnamalanǵan.
Turǵyndar qalanyń ár túkpirinen arnaiy kelgenderin, shara úshin birqatar kósheniń jabylǵanyn, biraq nátijesinde birneshe minýttyq ǵana kórsetilim kórgenderin aityp, uiymdastyrý deńgeiin synǵa aldy.
Sondai-aq kópshilik jinalǵan jerde birneshe adamnyń ózin jaisyz sezinip, keibiriniń esinen tanyp qalǵany týraly aqparat tarady.
Oqiǵadan keiin Ticketon kompaniiasy túsinikteme berip, Enrike Iglesiastyń kontserti boiynsha bilet operatory jáne jarnamalyq seriktes qana ekenin, al dron shoýyn uiymdastyrmaǵanyn málimdedi.
