Taldyqorǵan qalasyndaǵy Qaratal jaǵalaýynda Ulttyq dombyra kúnine arnalǵan «Dombyra – dala júregi» atty mádeni is-shara ótti. Sharaǵa 2000-ǵa jýyq turǵyn men qala qonaqtary qatysty, dep habarlaidy dalanews.kz.
Is-shara aiasynda kórermenderdiń qatysýymen ulttyq ónerdi nasihattaýǵa baǵyttalǵan tanymdyq-interaktivti oiyn uiymdastyryldy. Qatysýshylar qazaqtyń dástúrli óneri, kúishilik murasy, dombyra tarihy men ulttyq mádenietke qatysty suraqtarǵa jaýap berip, óz bilimderin synady.
Oiyn qorytyndysy boiynsha belsendilik tanytyp, joǵary nátije kórsetken 10 qatysýshyǵa ulttyq ónerdi qoldaý jáne nasihattaý maqsatynda dombyralar saltanatty túrde tabystaldy.
Atalǵan is-sharanyń negizgi maqsaty – qazaq halqynyń rýhani murasy sanalatyn qasietti dombyrany ulyqtaý, ulttyq ónerdi keńinen nasihattaý, jas urpaqtyń ulttyq qundylyqtarǵa degen qyzyǵýshylyǵyn arttyrý jáne ulttyq mádenietti dáripteý.
