Shymkentte bilim berý salasynda eki myńǵa jýyq jasyryn vakansiia anyqtaldy, dep habarlaidy Dalanews.kz.
Qala ákimdigi júrgizgen tekseris nátijesinde bilim berý uiymdarynda buryn jariialanbaǵan shamamen 2000 bos jumys orny belgili boldy. Monitoring barysynda birqatar pedagogterdiń jumys júktemesi belgilengen normadan edáýir asyp ketkeni anyqtalǵan.
Tekserý kezinde keibir muǵalimderdiń aptasyna 40, 50, tipti 60–75 saǵatqa deiin sabaq bergeni belgili boldy.
Bul týraly Shymkent qalasy ákiminiń orynbasary Sársen Quranbek baspasóz máslihatynda málimdedi.
Anyqtalǵan derekter negizinde eńbek naryǵynda 2000-nan astam jańa vakansiia qalyptasyp otyr. Atalǵan bos oryndardy tolyqtyrý maqsatynda arnaiy jumys jármeńkesin ótkizý josparlanýda.
