Kaspii qubyr konsortsiýmy (KQK) arqyly eksporttalatyn munai kólemi biyl byltyrǵy deńgeide saqtalýy múmkin. Bul týraly NBK málimdedi, dep habarlaidy dalanews.kz.
"KQK-K" kompaniiasy bas direktorynyń orynbasary Qaiyrgeldi Qabyldinniń sózinshe, 2026 jyly qubyr arqyly jóneltiletin munai kólemi byltyrǵy kórsetkishten sál tómen bolýy yqtimal. Alaida aitarlyqtai quldyraý bolmaidy.
2025 jyly KQK arqyly rekordtyq kólemde - 70 mln tonna munai tasymaldandy. Sonyń 64 mln tonnasy Qazaqstan munaiy boldy.
Qazir Novorossiisk mańyndaǵy teńiz terminalynda munai tieýge arnalǵan úsh qurylǵy da jumys istep tur. Olardyń biri byltyr dron shabýylynan keiin isten shyqqan edi. Qurylǵylardyń tolyq iske qosylýy Qazaqstannan keletin munaidy esh kedergisiz qabyldap, tankerlerge tieýge múmkindik beredi.
Soǵan qaramastan, biyl KQK arqyly eksporttalǵan munai kólemi ótken jyldyń sáikes kezeńimen salystyrǵanda 7,4 paiyzǵa azaiǵan. Buǵan dron shabýyldary men jyl basynda Teńiz ken ornynda bolǵan apat áser etken.
