Qazaqstanda oqýshylardyń oqý úlgerimin baǵalaý talaptary kúsheitilmek. Jańa erejege sáikes, 5–11 synyp oqýshylary bir nemese eki pánnen jyldyq qorytyndy baǵa retinde «2» alsa, jazǵy kezeńde qaita jiyntyq baǵalaý tapsyrady, dep habarlaidy dalanews.kz.
Qaita baǵalaý nátijesi de qanaǵattanarlyqsyz bolsa, oqýshyǵa jańa oqý jyly bastalǵanǵa deiin taǵy bir múmkindik beriledi. Eger bul synaqtan da óte almasa, oqýshy sol synypta qaita oqýy yqtimal.
Jańa tártip boiynsha:
- 1-synyp oqýshylaryna baǵa qoiylmaidy;
- 2–4 synyptarda 10 baldyq baǵalaý júiesi saqtalady;
- 5–11 synyptarda qorytyndy baǵasy «2» bolǵan oqýshylar qaita baǵalaýdan ótedi.
Ata-analardyń bir bóligi bul bastamany qoldap otyr. Olardyń pikirinshe, oqýshylar kelesi synypqa avtomatty túrde kóshirile bermei, aldymen bilimindegi olqylyqtardy tolyqtyrýy qajet.
