Almatyda 16–18 qyrkúiek aralyǵynda Qytaidyń Shanhai pedagogikalyq ýniversitetimen (SHNU) birlesken Halyqaralyq stýdenttik forým Abai ýniversitetinde ótedi. «Turaqty bolashaqty qamtamasyz etýdegi bilim berýdiń qundylyǵy» taqyrybyndaǵy halyqaralyq forýmdy Abai ýniversiteti, Qytaidyń Shanhai pedagogikalyq ýniversiteti jáne UNESCO Teacher Education Centre (TEC) uiymdastyryp otyr, dep habarlaidy dalanews.kz.
Halyqaralyq forýmnyń negizgi maqsaty – Ortalyq Aziia elderiniń seriktes uiymdary arasyndaǵy ǵylymi-bilim berý yntymaqtastyǵyn damytý, stýdentterdiń bilim berý júieleriniń qundylyqtary týraly túsinigin keńeitý jáne turaqty bilim berýdi qamtamasyz etý úshin bolashaq muǵalimderdi daiarlaý sapasyn arttyrý. Forým Ortalyq Aziia elderi men Qytaidyń bolashaq pedagogtaryn biriktirip, bilim berýdiń turaqty bolashaqty qalyptastyrýdaǵy rólin talqylaýǵa, tájiribe almasýǵa jáne halyqaralyq stýdenttik yntymaqtastyqty damytýǵa múmkindik beredi. Forýmdy ýniversitettiń Strategiialyq damý jáne internatsionaldandyrý jónindegi prorektory Aigúl Isqaqova ashyp, UNESCO Teacher Education Centre (TEC) Ortalyq Aziia boiynsha bailanys jónindegi ókili Li Jýimiao qatysýshylarǵa izgi tilegin bildirdi.
Forým baǵdarlamasy bilim berýdegi innovatsiialar men mádenietaralyq dialog, joǵary oqý orny teoriiasy men mektep tájiribesin ushtastyrýdy qamtyp otyr. Sondai-aq, pedagog kadrlardy daiarlaýdyń jańa tásilderi, jasandy intellekt pen tsifrlyq tehnologiialardy bilim berýdi transformatsiialaý quraly retinde paidalaný, inkliýzivti bilim berý máselelerin jan-jaqty sóz etti.
Qatysýshylar bilim berýdiń jahandyq syn-qaterlerin talqylap, turaqty bolashaqqa baǵyttalǵan jańa bilim berý arhitektýrasyn qalyptastyrýdyń innovatsiialyq joldaryn usyndy. Ekspress-baiandamalar tyńdalyp, Ortalyq Aziia men Qytaidaǵy pedagogikalyq bilim berý júiesiniń sapasy men turaqtylyǵyn arttyrýǵa baǵyttalǵan praktikalyq usynymdar ázirlendi.
Forým aiasynda IýNESKO, Shanhai pedagogikalyq ýniversiteti men Teacher Education Centre (TEC) ókilderi baiandama jasady. Jas zertteýshiler ózderiniń ǵylymi izdenisterin tanystyryp, bilim berýdiń zamanaýi baǵyttary boiynsha pikir almasty.
Baǵdarlamada «Turaqty damý maqsattary: jastardyń bolashaq týraly dialogy» ziiatkerlik oiyny, Global Open Talk formatynda «Ártúrli elderdegi stýdenttik ómir» taqyrybynda talqylaý ótip, ár elden kelgen jastar ózderiniń oqý, qoǵamdyq jáne mádeni tájiribelerimen ortaǵa saldy. Sonymen qatar, is-shara aiasynda Abai ýniversiteti men Shanhai pedagogikalyq ýniversiteti arasyndaǵy yntymaqtastyqty damytýǵa arnaǵan arnalǵan dóńgelek ústel uiymdastyryldy.
Úsh kúndik is-shara barysynda delegattar aldaǵy ýaqytta Almatynyń bilim berý jáne mádeni nysandarymen tanysyp, Almaty menedjment ýniversitetine, QazUQPÝ-ǵa jáne NGS bastaýysh ári orta mektepterin aralaidy. Bolashaq pedagog mamadardyń basyn qosatyn Halyqaralyq stýdenttik forým kelesi jyly Shanhai qalasynda ótpek.
