Ulttyq Bank 30 shildedegi saýda-sattyq barysynda teńgege shaqqanda 1 AQSh dollary úshin 550 teńgege deiin jetip, ai basynan beri 5,8%-ǵa, al jyl basynan beri 4,7%-ǵa álsiregenin málimdep, budan alypsatarlyq belgiler baiqalǵanyn jetkizdi. Sol sebepti Ulttyq Bank valiýtalyq interventsiialar júrgizýge májbúr bolǵan, dep habarlaidy Dalanews.kz.
"Valiýta naryǵyndaǵy ótimdiliktiń óte tómen bolýyna jáne alypsatarlyq qysymnyń kúsheiý belgilerine bailanysty Qazaqstan Respýblikasynyń Ulttyq Banki valiýtalyq interventsiialar júrgizýge kiristi", - dedi Ulttyq Banktiń baspasóz qyzmeti.
Quzyrly organnyń habarlaýynsha, negizgi ekonomikalyq jaǵdailar qolaily bolyp qalýda: munaidyń álemdik baǵasy bir barrel úshin 70 AQSh dollarynan turaqty túrde asyp tur, AQSh dollarynyń jahandyq álsireý úrdisi saqtalýda.
"Osyǵan bailanysty teńgeniń qazirgi álsireýi irgeli faktorlardy kórsetpeidi jáne ulttyq valiýtanyń jetkiliksiz baǵalanǵanyn bildiredi", dep naqtylaidy Ulttyq Bank.
Ulttyq Bank birjalyq jáne birjadan tys valiýta naryqtaryndaǵy jaǵdaidy muqiiat qadaǵalap otyrady jáne qajet bolǵan jaǵdaida aiyrbastaý baǵamynyń turaqsyzdandyrýshy aýytqýlaryna jol bermeý, shetel valiýtasyna suranys pen usynys teńgerimin qalpyna keltirý, sondai-aq valiýta naryǵynyń qalypty jumys isteýin qamtamasyz etý úshin shuǵyl sharalar qabyldaýǵa daiyn.
Buǵan deiin saitymyzda "Baǵa 448-den 443-ke bir-aq tústi". Ulttyq Bank valiýtalyq interventsiia júrgizdi me?" degen material jariialanǵan bolatyn.
