Áskeri qyzmet kezinde aýyr jaraqat alyp, keiin birinshi toptaǵy múgedektikke shyqqan Erbaian Muhtar qaitys boldy, dep habarlaidy dalanews.kz.
Qaraly habardy onyń anasy Gúlsim Qamieva jetkizdi. Sońǵy ailarda Erbaian Astanadaǵy Ulttyq shuǵyl meditsina ortalyǵynda em qabyldap jatqan bolatyn.
Eske salsaq, Erbaian Muhtar áskerde júrip aýyr jaraqat alǵannan keiin uzaq ýaqyt boiy ómiri úshin kúresti. Onyń densaýlyq jaǵdaiy qoǵamda úlken rezonans týdyryp, qazaqstandyqtar áskeri bólimde bolǵan oqiǵanyń aqiqatyn ashýdy, kinálilerdi jaýapqa tartýdy talap etken edi.
Erbaiannyń taǵdyryna beijai qaramaǵan myńdaǵan qazaqstandyq em-domyna qarjylai kómek kórsetip, onyń saýyǵyp ketýine úmit artqan bolatyn.
Marqum sońǵy ýaqytqa deiin dárigerlerdiń baqylaýynda bolyp, kúrdeli em qabyldady. Alaida onyń ómirin saqtap qalý múmkin bolmady.
Dala News redaktsiiasy Erbaian Muhtardyń týǵan-týystary men jaqyndaryna qaiǵyra kóńil aitady.
