ەسكەري قىزمەت كەزٸندە اۋىر جاراقات الىپ, كەيٸن بٸرٸنشٸ توپتاعى مٷگەدەكتٸككە شىققان ەربايان مۇحتار قايتىس بولدى, دەپ حابارلايدى dalanews.kz.
قارالى حاباردى ونىڭ اناسى گٷلسٸم قاميەۆا جەتكٸزدٸ. سوڭعى ايلاردا ەربايان استاناداعى ۇلتتىق شۇعىل مەديتسينا ورتالىعىندا ەم قابىلداپ جاتقان بولاتىن.
ەسكە سالساق, ەربايان مۇحتار ەسكەردە جٷرٸپ اۋىر جاراقات العاننان كەيٸن ۇزاق ۋاقىت بويى ٶمٸرٸ ٷشٸن كٷرەستٸ. ونىڭ دەنساۋلىق جاعدايى قوعامدا ٷلكەن رەزونانس تۋدىرىپ, قازاقستاندىقتار ەسكەري بٶلٸمدە بولعان وقيعانىڭ اقيقاتىن اشۋدى, كٸنەلٸلەردٸ جاۋاپقا تارتۋدى تالاپ ەتكەن ەدٸ.
ەرباياننىڭ تاعدىرىنا بەيجاي قاراماعان مىڭداعان قازاقستاندىق ەم-دومىنا قارجىلاي كٶمەك كٶرسەتٸپ, ونىڭ ساۋىعىپ كەتۋٸنە ٷمٸت ارتقان بولاتىن.
مارقۇم سوڭعى ۋاقىتقا دەيٸن دەرٸگەرلەردٸڭ باقىلاۋىندا بولىپ, كٷردەلٸ ەم قابىلدادى. الايدا ونىڭ ٶمٸرٸن ساقتاپ قالۋ مٷمكٸن بولمادى.
Dala News رەداكتسيياسى ەربايان مۇحتاردىڭ تۋعان-تۋىستارى مەن جاقىندارىنا قايعىرا كٶڭٸل ايتادى.
