Aqmola oblysynda tótenshe jaǵdaidy joiý syltaýymen konkýrssyz jasalǵan 17 mlrd teńgelik kelisim eki aidan keiin buzyldy, dep habarlaidy dalanews.kz.
Áńgime Zerendi aýdanyndaǵy elektr berý jelilerin salý jobasy týraly bolyp otyr. Memlekettik satyp alý sáýir aiynda tikelei bir kózden jasalǵan. Tapsyrys berýshi muny shuǵyldyqpen jáne tótenshe jaǵdai saldaryn joiý qajettiligimen túsindirgen.
Alaida Zerendi aýdanyndaǵy tótenshe jaǵdai rejimi 2021 jyldyń 2 shildesinen beri, iaǵni bes jyldan beri saqtalyp keledi. Osy ýaqyt ishinde konkýrs ótkizýge tolyq múmkindik bolǵanymen, joba ashyq konkýrssyz júzege asyrylǵan.
Tapsyrys berýshi merdiger kompaniianyń qajetti tájiribesi men resýrstary bar ekenin kórsetken. Soǵan qaramastan, 17 mlrd teńgelik kelisimge qol qoiylǵannan keiin nebári eki ai ótken soń, 16 maýsymda shart buzylǵan.
Endi elektr jelileriniń qurylysy qalai jalǵasatyny jáne jobanyń taǵdyry qandai bolatyny ázirge belgisiz.
Sarapshylardyń pikirinshe, bes jyl boiy sheshilmegen máseleniń tótenshe jaǵdaimen bailanystyrylyp, milliardtaǵan teńgeniń konkýrssyz bólinýi jaýapty organdardyń jumysyna qatysty suraqtardy kóbeitedi.
Memlekettik satyp alý portalyndaǵy málimet boiynsha, kelisimsharttyń jalpy somasy shamamen 17 mlrd teńgeni quraǵan.
