ۇلتتىق بانك 30 شٸلدەدەگٸ ساۋدا-ساتتىق بارىسىندا تەڭگەگە شاققاندا 1 اقش دوللارى ٷشٸن 550 تەڭگەگە دەيٸن جەتٸپ, اي باسىنان بەرٸ 5,8%-عا, ال جىل باسىنان بەرٸ 4,7%-عا ەلسٸرەگەنٸن مەلٸمدەپ, بۇدان الىپساتارلىق بەلگٸلەر بايقالعانىن جەتكٸزدٸ. سول سەبەپتٸ ۇلتتىق بانك ۆاليۋتالىق ينتەرۆەنتسييالار جٷرگٸزۋگە مەجبٷر بولعان, دەپ حابارلايدى Dalanews.kz.
"ۆاليۋتا نارىعىنداعى ٶتٸمدٸلٸكتٸڭ ٶتە تٶمەن بولۋىنا جەنە الىپساتارلىق قىسىمنىڭ كٷشەيۋ بەلگٸلەرٸنە بايلانىستى قازاقستان رەسپۋبليكاسىنىڭ ۇلتتىق بانكٸ ۆاليۋتالىق ينتەرۆەنتسييالار جٷرگٸزۋگە كٸرٸستٸ", - دەدٸ ۇلتتىق بانكتٸڭ باسپاسٶز قىزمەتٸ.
قۇزىرلى ورگاننىڭ حابارلاۋىنشا, نەگٸزگٸ ەكونوميكالىق جاعدايلار قولايلى بولىپ قالۋدا: مۇنايدىڭ ەلەمدٸك باعاسى بٸر باررەل ٷشٸن 70 اقش دوللارىنان تۇراقتى تٷردە اسىپ تۇر, اقش دوللارىنىڭ جاھاندىق ەلسٸرەۋ ٷردٸسٸ ساقتالۋدا.
"وسىعان بايلانىستى تەڭگەنٸڭ قازٸرگٸ ەلسٸرەۋٸ ٸرگەلٸ فاكتورلاردى كٶرسەتپەيدٸ جەنە ۇلتتىق ۆاليۋتانىڭ جەتكٸلٸكسٸز باعالانعانىن بٸلدٸرەدٸ", دەپ ناقتىلايدى ۇلتتىق بانك.
ۇلتتىق بانك بيرجالىق جەنە بيرجادان تىس ۆاليۋتا نارىقتارىنداعى جاعدايدى مۇقييات قاداعالاپ وتىرادى جەنە قاجەت بولعان جاعدايدا ايىرباستاۋ باعامىنىڭ تۇراقسىزداندىرۋشى اۋىتقۋلارىنا جول بەرمەۋ, شەتەل ۆاليۋتاسىنا سۇرانىس پەن ۇسىنىس تەڭگەرٸمٸن قالپىنا كەلتٸرۋ, سونداي-اق ۆاليۋتا نارىعىنىڭ قالىپتى جۇمىس ٸستەۋٸن قامتاماسىز ەتۋ ٷشٸن شۇعىل شارالار قابىلداۋعا دايىن.
بۇعان دەيٸن سايتىمىزدا "باعا 448-دەن 443-كە بٸر-اق تٷستٸ". ۇلتتىق بانك ۆاليۋتالىق ينتەرۆەنتسييا جٷرگٸزدٸ مە?" دەگەن ماتەريال جارييالانعان بولاتىن.
