اتىراۋدا مۇقانعاليەۆتەر وتباسىنىڭ ٶلٸمٸنە بايلانىستى سوت پروتسەسٸ كەزٸندە اقبايان مۇقانعاليەۆاعا قاتىستى بٶلەك قوزعالعان قىلمىستىق ٸستٸڭ مەن-جايى بەلگٸلٸ بولدى, دەپ حابارلايدى dalanews.kz.
سوت وتىرىستارىنىڭ بٸرٸندە سۋديا زارەما حاميدۋللينا اقبايان مۇقانعاليەۆاعا قاتىستى ماتەريالداردى جەكە ٶندٸرٸسكە بٶلۋ تۋرالى قاۋلىنى جارييالاعان.
وعان قىلمىستىق كودەكستٸڭ 434-بابى, ياعني قىلمىس تۋرالى حابارلاماۋ دەرەگٸ بويىنشا ٸس قوزعالعان. الايدا سوت بارىسىندا سۋديا مۇقانعاليەۆانىڭ پسيحيكالىق اۋرۋىنا بايلانىستى ەم قابىلداپ جٷرگەنٸنە نازار اۋدارىپ, ونىڭ مۇنداي جاعدايدا قىلمىستىق جاۋاپكەرشٸلٸككە قالاي تارتىلعانىن سۇرادى.
"ول قىلمىس تۋرالى حابارلاماعانى ٷشٸن قالاي جاۋاپ بەرۋٸ مٷمكٸن?" – دەدٸ سۋديا مەملەكەتتٸك ايىپتاۋشىعا.
كەيٸن اقبايان مۇقانعاليەۆاعا قاتىستى قوزعالعان قىلمىستىق ٸس ونىڭ ەرەكەتٸنەن قىلمىستىق قۇقىق بۇزۋشىلىق قۇرامى انىقتالماۋىنا بايلانىستى توقتاتىلدى.
قازٸرگٸ ۋاقىتتا اقبايان مۇقانعاليەۆا ەم قابىلداۋدى جالعاستىرىپ جاتىر.
ال مۇقانعاليەۆتەر وتباسىنىڭ ٶلٸمٸنە قاتىستى ٸستٸڭ باستى ايىپتالۋشىسى سۇلتان سەرسەمەليەۆ سوت ٷكٸمٸمەن ٶمٸر بويىنا باس بوستاندىعىنان ايىرىلدى.
