Atyraýda Muqanǵalievter otbasynyń ólimine bailanysty sot protsesi kezinde Aqbaian Muqanǵalievaǵa qatysty bólek qozǵalǵan qylmystyq istiń mán-jaiy belgili boldy, dep habarlaidy dalanews.kz.
Sot otyrystarynyń birinde sýdia Zarema Hamidýllina Aqbaian Muqanǵalievaǵa qatysty materialdardy jeke óndiriske bólý týraly qaýlyny jariialaǵan.
Oǵan Qylmystyq kodekstiń 434-baby, iaǵni qylmys týraly habarlamaý deregi boiynsha is qozǵalǵan. Alaida sot barysynda sýdia Muqanǵalievanyń psihikalyq aýrýyna bailanysty em qabyldap júrgenine nazar aýdaryp, onyń mundai jaǵdaida qylmystyq jaýapkershilikke qalai tartylǵanyn surady.
"Ol qylmys týraly habarlamaǵany úshin qalai jaýap berýi múmkin?" – dedi sýdia memlekettik aiyptaýshyǵa.
Keiin Aqbaian Muqanǵalievaǵa qatysty qozǵalǵan qylmystyq is onyń áreketinen qylmystyq quqyq buzýshylyq quramy anyqtalmaýyna bailanysty toqtatyldy.
Qazirgi ýaqytta Aqbaian Muqanǵalieva em qabyldaýdy jalǵastyryp jatyr.
Al Muqanǵalievter otbasynyń ólimine qatysty istiń basty aiyptalýshysy Sultan Sársemáliev sot úkimimen ómir boiyna bas bostandyǵynan aiyryldy.
