Qazaqstandyqtarǵa áriptesin almastyrǵany úshin qosymsha aqy tólenedi, dep habarlaidy dalanews.kz.
Qazaqstanda eńbek zańnamasyna engizilgen ózgeristerge sáikes, qyzmetker áriptesiniń mindetin ýaqytsha atqarǵan jaǵdaida qosymsha aqy alýǵa quqyly.
2026 jylǵy 8 maýsymnan bastap QR Eńbek kodeksiniń 111-babyna engizilgen túzetýler kúshine endi. Endi qyzmetker negizgi jumysymen qatar demalysqa shyqqan nemese eńbekke jaramsyzdyq paraǵyn rásimdegen áriptesiniń mindetterin de oryndasa, jumys berýshi oǵan mindetti túrde qosymsha aqy tóleýi tiis.
Buǵan deiin keibir jumys berýshiler mundai mindetterdi eńbek shartyna nemese laýazymdyq nusqaýlyqqa engizip, qosymsha tólem jasaýdan jaltaryp kelgen. Jańa ózgeristerden keiin qyzmetkerdiń basqa adamnyń jumysyn atqarýy qosymsha eńbek júktemesi retinde qarastyrylady jáne ol úshin bólek aqy tólenýi qajet.
Sondai-aq qosymsha tólem mólsherin jumys berýshi óz betinshe belgilei almaidy. Onyń kólemi qyzmetkermen kelisilip anyqtalýy tiis. Eger qyzmetker usynylǵan tólem mólsherine kelispese, oǵan qosymsha mindet júkteýge bolmaidy.
Mamandardyń aitýynsha, kóptegen jumys berýshi bul ózgeristerden áli tolyq habardar bolmaýy múmkin. Eger qyzmetkerge qosymsha jumys júktelip, biraq tiisti aqy tólenbese, ol eńbek inspektsiiasyna shaǵymdanýǵa quqyly.
Jaz mezgilinde eńbek demalysyna shyǵatyndar sany kóbeietindikten, qyzmetkerlerdiń áriptesterin almastyrý jaǵdailary jiileidi. Osyǵan bailanysty eńbek zańnamasyndaǵy jańa talaptardy bilý mańyzdy.
