قازاقستاندىقتارعا ەرٸپتەسٸن الماستىرعانى ٷشٸن قوسىمشا اقى تٶلەنەدٸ, دەپ حابارلايدى dalanews.kz.
قازاقستاندا ەڭبەك زاڭناماسىنا ەنگٸزٸلگەن ٶزگەرٸستەرگە سەيكەس, قىزمەتكەر ەرٸپتەسٸنٸڭ مٸندەتٸن ۋاقىتشا اتقارعان جاعدايدا قوسىمشا اقى الۋعا قۇقىلى.
2026 جىلعى 8 ماۋسىمنان باستاپ قر ەڭبەك كودەكسٸنٸڭ 111-بابىنا ەنگٸزٸلگەن تٷزەتۋلەر كٷشٸنە ەندٸ. ەندٸ قىزمەتكەر نەگٸزگٸ جۇمىسىمەن قاتار دەمالىسقا شىققان نەمەسە ەڭبەككە جارامسىزدىق پاراعىن رەسٸمدەگەن ەرٸپتەسٸنٸڭ مٸندەتتەرٸن دە ورىنداسا, جۇمىس بەرۋشٸ وعان مٸندەتتٸ تٷردە قوسىمشا اقى تٶلەۋٸ تيٸس.
بۇعان دەيٸن كەيبٸر جۇمىس بەرۋشٸلەر مۇنداي مٸندەتتەردٸ ەڭبەك شارتىنا نەمەسە لاۋازىمدىق نۇسقاۋلىققا ەنگٸزٸپ, قوسىمشا تٶلەم جاساۋدان جالتارىپ كەلگەن. جاڭا ٶزگەرٸستەردەن كەيٸن قىزمەتكەردٸڭ باسقا ادامنىڭ جۇمىسىن اتقارۋى قوسىمشا ەڭبەك جٷكتەمەسٸ رەتٸندە قاراستىرىلادى جەنە ول ٷشٸن بٶلەك اقى تٶلەنۋٸ قاجەت.
سونداي-اق قوسىمشا تٶلەم مٶلشەرٸن جۇمىس بەرۋشٸ ٶز بەتٸنشە بەلگٸلەي المايدى. ونىڭ كٶلەمٸ قىزمەتكەرمەن كەلٸسٸلٸپ انىقتالۋى تيٸس. ەگەر قىزمەتكەر ۇسىنىلعان تٶلەم مٶلشەرٸنە كەلٸسپەسە, وعان قوسىمشا مٸندەت جٷكتەۋگە بولمايدى.
مامانداردىڭ ايتۋىنشا, كٶپتەگەن جۇمىس بەرۋشٸ بۇل ٶزگەرٸستەردەن ەلٸ تولىق حاباردار بولماۋى مٷمكٸن. ەگەر قىزمەتكەرگە قوسىمشا جۇمىس جٷكتەلٸپ, بٸراق تيٸستٸ اقى تٶلەنبەسە, ول ەڭبەك ينسپەكتسيياسىنا شاعىمدانۋعا قۇقىلى.
جاز مەزگٸلٸندە ەڭبەك دەمالىسىنا شىعاتىندار سانى كٶبەيەتٸندٸكتەن, قىزمەتكەرلەردٸڭ ەرٸپتەستەرٸن الماستىرۋ جاعدايلارى جيٸلەيدٸ. وسىعان بايلانىستى ەڭبەك زاڭناماسىنداعى جاڭا تالاپتاردى بٸلۋ ماڭىزدى.
