Qyrǵyzstannyń burynǵy prezidenti Asqar Aqaev jýrnalist Ashat Niiazovpen áńgimesinde qazirgi ómiri, Máskeýdegi qyzmeti jáne Nursultan Nazarbaevpen qarym-qatynasy týraly aitty, dep habarlaidy dalanews.kz.
Jýrnalist odan qazir qaida turyp, nemen ainalysyp júrgenin surady. Asqar Aqaev búginde Máskeýde turatynyn jáne Mihail Lomonosov atyndaǵy Máskeý memlekettik ýniversitetinde qyzmet etetinin jetkizdi.
“Qazir Máskeýde turamyn. Mihail Vasilevich Lomonosov atyndaǵy Máskeý memlekettik ýniversitetinde jumys isteimin. Matematika professory bolyp qyzmet atqaramyn. Bilim berý jáne ǵylymi-zertteý jumystarymen ainalysamyn, aspiranttar men doktoranttardy daiyndaimyn, ǵylymi eńbekter shyǵaramyn”, – dedi ol.
Sondai-aq burynǵy prezident Ystyqkólge sońǵy 22 jylda alǵash ret kelgenin aitty. Al Qyrǵyzstanǵa buǵan deiin tórt jyl buryn barǵanyn jetkizdi. Jýrnalistiń elge kirýine qatysty suraǵyna ol eshqandai qiyndyq joq ekenin aitqan.
“Iá, eshqandai problemam joq. Qoryqpaimyn. Eshqandai kúzetsiz júrmin. Munda qyzymmen keldim”, – dedi Asqar Aqaev.
Áńgime barysynda Ashat Niiazov odan Qazaqstannyń Tuńǵysh Prezidenti Nursultan Nazarbaevpen qarym-qatynasy týraly da surady. Aqaev Nazarbaevqa qurmetpen qaraitynyn jáne onymen jaqsy qarym-qatynasta ekenin aitty.
“Eń jaqsy qarym-qatynastamyn. Men birge jumys istegen adamdardyń bárimen jaqsy qatynastamyn. Nursultan Nazarbaevqa da 30 jyl boiy úlken qurmetpen qaraimyn”, – dedi ol.
Jýrnalist Nazarbaevtyń qazir qaida ekenin jáne ony sońǵy ret qashan kórgenin surady. Asqar Aqaev bul taqyrypta kóp sóilei almaitynyn aitqanymen, ony jaqynda kórgenin jetkizdi.
“Sońǵy ret jaqynda kórdim. Ol tiri, deni saý. Jaǵdaiy óte jaqsy”, – dedi Qyrǵyzstannyń burynǵy prezidenti.
