Prezident Qasym-Jomart Toqaev Briýsselde Eýrokomissiianyń saýda jáne ekonomikalyq qaýipsizdik jónindegi komissary Marosh Shefchovichpen, Eýropalyq odaqtyń Ortalyq Aziia boiynsha arnaiy ókili Edýards Stipraispen jáne Eýropalyq investitsiialyq banktiń vitse-prezidenti Marek Moramen kezdesti, dep habarlaidy dalanews.kz.
Memleket basshysy qazirgi sapardyń ekonomikalyq nátijelerine erekshe toqtalyp, Eýropa biznesiniń Qazaqstanǵa senimi artyp kele jatqanyn aitty.
«Aǵymdaǵy sapardyń ekonomikalyq quramdas bóligi, atap aitqanda, jalpy quny 12 milliard dollardan asatyn kommertsiialyq kelisimder men memorandýmdarǵa qol qoiylýy eýropalyq biznestiń Qazaqstan ekonomikasyna jáne elimizde júrgizilip jatqan reformalarǵa degen senimin kórsetedi», – dedi Qasym-Jomart Toqaev.
Prezident sondai-aq Eýropalyq keńes prezidenti Antoniý Koshta jáne Eýropalyq komissiia prezidenti Ýrsýla fon der Liaienmen ótken kelissózderdiń nátijesin joǵary baǵalap, Qazaqstan men Eýroodaq arasyndaǵy strategiialyq áriptestikti odan ári nyǵaitýǵa ózara beiildilik rastalǵanyn atap ótti.
Sonymen qatar Memleket basshysy Eýropalyq investitsiialyq bankpen yntymaqtastyqtyń mańyzyn atap ótip, bul seriktestik Qazaqstannyń ornyqty ekonomikalyq damýyna jáne óńirlik bailanysty nyǵaitýǵa yqpal etetinine senim bildirdi.
Óz kezeginde Eýrokomissiianyń saýda jáne ekonomikalyq qaýipsizdik jónindegi komissary Marosh Shefchovich Qazaqstan Prezidentiniń resmi sapary Eýroodaq pen Qazaqstan arasyndaǵy qarym-qatynasta jańa kezeńniń bastalǵanyn aitty.
«Qazaqstan Prezidentiniń resmi sapary Eýropalyq odaq pen Qazaqstan arasyndaǵy qatynastardyń jańa taraýyn ashady», – dedi Marosh Shefchovich.
Taraptar ózara qyzyǵýshylyq týdyratyn salalardaǵy birlesken bastamalardy ilgeriletý boiynsha dialogty jalǵastyrýǵa kelisti.
