Almaty qalalyq sotyna «Merkýr Taýers» turǵyn úi kesheni kúzetshisiniń ólimine qatysty úkimge apelliatsiialyq shaǵymdar tústi, dep habarlaidy Dalanews.kz.
Ne boldy?
2024 jyldyń naýryzynda 45 jastaǵy almatylyq turǵyn «Merkýr Taýers» kesheniniń kúzetshisin jol talǵamaityn kólikpen birneshe ret qaǵyp ótken, keiin onyń basynan sekirgen. Oqiǵa beinebaqylaý kameralaryna túsip qalǵan. Kúzetshi aýyr halde aýrýhanaǵa jetkizilip, sol jerde kóz jumdy.
Qandy oqiǵaǵa kúzetshiniń ashýly er adamdy turǵyn úi aýlasynan ata-anasynyń ótinishi boiynsha shyǵarmai qoiýy sebep bolǵan. Kórshilerdiń aitýynsha, kúzetshini qatygezdikpen óltirgen azamat birneshe jyldan beri osy keshende ata-anasymen birge turǵan. Ol esirtkige táýeldi bolǵan jáne kórshilerdi únemi úreide ustaǵan kórinedi.
BAQ-tyń habarlaýynsha, kúdiktiniń ákesi - burynǵy depýtat. Buǵan deiin ol Taldyqorǵan qalasynyń prokýrorynyń aǵa kómekshisi qyzmetin atqarǵan bolýy múmkin.
Úkim
2025 jylǵy 9 sáýirde sot aiyptalýshyny QR Qylmystyq kodeksiniń 99-baby 2-bóliginiń 5-tarmaǵy («Airyqsha qatygezdikpen jasalǵan adam óltirý») jáne 147-baby 5-bóligi («Jeke ómirge qol suǵylmaýshylyqty jáne jeke derekter týraly zańnamany buzý») boiynsha qylmystyq quqyqbuzýshylyq jasaǵany úshin kináli dep tanyp, 22 jylǵa bas bostandyǵynan aiyrdy.
Sot aiyptalýshydan jábirlenýshilerdiń paidasyna 24 million teńge jáne ókildik qyzmetter úshin 1 million 150 myń teńge óndirip berdi.
Apelliatsiialyq shaǵymdar
Apelliatsiialyq shaǵymdy jábirlenýshi tarap - marqumnyń jubaiy Ásem Moldahunova túsirdi. Jábirlenýshiniń advokaty Arman Sháripov Tengrinews.kz tilshisine bergen suhbatynda aiyptalýshyǵa taǵaiyndalǵan jaza tym jeńil dep esepteitinderin aitty.
"Biz, jábirlenýshi tarap, birinshi satydaǵy sottyń sheshimimen kelispeimiz jáne bul jazany tym jeńil dep sanaimyz. Aiyptalýshyǵa qoldanylǵan bap ómir boiyna bas bostandyǵynan aiyrý jazasyn kózdeidi. Sondyqtan biz bul jazany ózgertip, eń joǵarǵy jazamen bas bostandyǵynan aiyrýdy suraimyz. Sonymen qatar, moraldyq ziian boiynsha sheshimmen de kelispeimiz, óitkeni bizdiń talabymyz ishinara ǵana qanaǵattandyryldy. Biz óz talap-aryzymyzdyń tolyq kólemde qanaǵattandyrylýyn suraimyz", – dedi Sháripov.
Onyń aitýynsha, jábirlenýshi tarap 100 million teńge kóleminde ótemaqy talap etken, alaida sot tek 20 million teńgeni ǵana maquldaǵan.
Sháripovtiń aitýynsha, aiyptalýshy tarap ta apelliatsiialyq shaǵym bergen — olardyń qorǵaýshysy jaza tym qatal dep sanap, ony jeńildetýdi suraidy.
Apelliatsiialyq shaǵymdardy qaraý 29 shildede ótýi tiis edi. Alaida aiyptalýshyny protseste qashyqtan qosý múmkin bolmaǵandyqtan, sot keiinge shegerildi.
