Almaty qalasy máslihatynyń depýtattyǵyna "Ádilet" partiiasynan usynylǵan kandidattar Qazaq sport jáne týrizm akademiiasynyń oqytýshylary men qyzmetkerlerimen kezdesti. Basqosýda partiianyń sailaýaldy baǵdarlamasy tanystyrylyp, qalany damytýdyń negizgi baǵyttary talqylandy, dep habarlaidy dalanews.kz.
Is-sharada ne aityldy?
Kezdesýge partiia ókilderi, depýtattyqqa kandidattar jáne akademiia ujymy qatysty. Taraptar bilim berý men sport salalaryn qoldaý, qalalyq infraqurylymdy jetildirý jáne turǵyndardyń ómir súrý sapasyn arttyrý máselelerine toqtaldy.
Qazaq sport jáne týrizm akademiiasy dene shynyqtyrý, sport pen týrizm salalaryna maman daiarlaityn elimizdegi jetekshi joǵary oqý oryndarynyń biri sanalady. 2025–2026 oqý jylynyń basynda munda 4 myńnan astam stýdent bilim alǵan. Akademiia qurylǵan ýaqyttan beri 30 myńnan astam maman daiarlaǵan.
Birneshe usynys aityldy
Kezdesý barysynda kandidattar sailaýaldy baǵdarlamada Almatynyń damýyna qatysty usynylǵan bastamalardy túsindirdi. Akademiia qyzmetkerleri de qaladaǵy ózekti máseleler jónindegi pikirlerin bildirip, birqatar usynysyn ortaǵa saldy. Partiia ókilderi kóterilgen máseleler aldaǵy ýaqytta pysyqtalatynyn jetkizdi.
Almaty qalasy máslihatynyń depýtattyǵyna kandidat Shyńǵyshan Mamanov mundai kezdesýlerdiń turǵyndardyń naqty suranysyn anyqtaýda mańyzdy ekenin atap ótti.
"Biz úshin sailaýaldy baǵdarlamany tanystyrýmen ǵana shektelmei, turǵyndardyń pikirin tyńdaý, olardyń naqty qajettilikterin túsiný jáne qalamyzdyń damýyna yqpal etetin bastamalardy eskerý mańyzdy. Ashyq dialog pen naqty usynystar boiynsha júieli jumys júrgizý qala turǵyndarynyń múddelerin bildirýdiń negizi bolýy tiis", – dedi Shyńǵyshan Mamanov.
Kezdesý sońynda kandidattar akademiia qyzmetkerlerin 29 qarashada ótetin sailaýǵa qatysýǵa jáne «Ádilet» partiiasyn qoldaýǵa shaqyrdy.
Partiia ókilderiniń málimetinshe, Almatydaǵy eńbek ujymdarymen kezdesýler jalǵasady. Basqosýlar barysynda sailaýaldy baǵdarlamanyń baǵyttary tanystyrylyp, qala turǵyndarynyń usynystary jinaqtalady.
Tapsyrys berýshi: Kankýrov S.V.
Almaty qalasy máslihaty depýtattarynyń sailaýynda partiialyq tizimdi usynǵan «Ádilet» partiiasy» QB sailaý qorynyń qarajatynan tólendi
