Qazaqstanda 2022-2023 jyldary qus etin óndirýge bólingen memlekettik sýbsidiialar tiimsiz bolyp shyqty.
Joǵary aýditorlyq palatanyń málimetine súiensek, qus sharýashylyǵyn qoldaýǵa jumsalǵan 34 milliard teńgeden astam qarjy negizgi maqsatyna jetpegen. Iaǵni ishki naryqty tolyqtai otandyq ónimmen qamtamasyz etý júzege aspaǵan dep jazady Dalanews.kz.
Memlekettiń aýqymdy qoldaýyna qaramastan, 2023 jyly eldiń qus etimen qamtamasyz etilý deńgeii bar bolǵany 73 paiyzdy qurady.
Onyń ústine, Qazaqstanda óndirilgen qus etiniń aitarlyqtai bóligi ishki naryqqa emes, Resei, Qyrǵyzstan jáne Ózbekstanǵa eksporttalǵan.
Tipti keibir jaǵdaida bul elderge jóneltilgen ónimniń baǵasy ishki naryqtaǵydan úshten bir esege deiin arzan bolǵan.
Aýditorlar bul jaǵdaidy «sýbsidiialardyń shetelge aǵýy» dep baǵalap, memlekettik qoldaýdyń tiimdiligin arttyrý úshin jańa tásilder men sharttardy qaita qaraýdy usynyp otyr.
Olardyń aitýynsha, halyqtyń esebinen bólingen sýbsidiialar aldymen otandyq naryqty tolyq qamtýǵa baǵyttalýy tiis.
