Almatydaǵy ál-Farabi atyndaǵy Qazaq ulttyq ýniversitetiniń rektorat ǵimaratynda qaiǵyly jaǵdai oryn aldy. Birinshi kýrs stýdenti 14-qabattan qulap, qaza tapty, dep jazady Dalanews.kz.
Almaty qalalyq politsiia departamentiniń baspasóz qyzmetiniń habarlaýynsha, bul derek boiynsha Bostandyq aýdany politsiia basqarmasy qylmystyq is qozǵady.
«Qazir oqiǵanyń naqty sebebi men mán-jaiy anyqtalýda. Aldyn ala boljam boiynsha, qaiǵyly jaǵdaidyń sebebi otbasylyq máselelerge bailanysty bolýy múmkin», – delingen politsiia habarlamasynda.
Politsiia departamenti qala turǵyndary men áleýmettik jeli qoldanýshylaryn resmi aqparatqa ǵana súienýge jáne shyndyqqa sai kelmeitin málimetterdi taratpaýdy surady.
