Altyn óndirýmen ainalysatyn «Jaltyrbulaq» kompaniiasynyń jai qarapaiym aktsiialary 30 shildeden bastap KASE-niń resmi tiziminen alynyp tastaldy. Mundai sheshim Almatynyń burynǵy ákiminiń áieli Gúlnár Dosaevaǵa ishinara tiesili kompaniianyń óz bastamasy boiynsha qabyldanǵan, dep habarlaidy Dalanews.kz.
«Jaltyrbulaqtyń» jai aktsiialary Qazaqstan qor birjasynyń tizimine 2021 jyly engizilip, sol jyldan bastap saýdalana bastaǵan. Al kompaniianyń ózi 2015 jyly qurylyp, Qaraǵandy oblysyndaǵy Jaltyrbulaq kenishinde altyn óndirýmen ainalysady.
«Ken igerý kelisimshartynyń aiaqtalatyn ýaqyty 2024 jylǵa sai keledi. Sol jyly maýsymda Ónerkásip ministrligi qujatty taǵy tórt jylǵa uzartý úshin kelisim júrgizýge ruqsat berdi. AHQO-da 2024 jylǵy shildede tirkelgen óziniń enshiles jeke kompaniiasy Altyntas Holding Ltd arqyly "Jaltyrbulaq" "Vasilevskoe" TMK men Boke kompaniiasyna da tiesili. Sońǵysy ShQO-daǵy Boko-Vasilev ken ornynyń birneshe ýchaskelerinde barlaý jáne óndirý jumystaryn júrgizedi. 2024 jyly "Vasilevskoe" TMK kelisimshart boiynsha ShQO-daǵy Vasilevskoe ken ornynda altyn óndirý jumystaryn aiaqtady», dep jazady kursiv.kz.
KASE-degi 2025 jyldyń 1 shildedegi málimetter boiynsha, «Jaltyrbulaqtyń» aktsionerleri myna adamdar bolyp tabylady: Ońtústik Qazaqstan oblysy ákiminiń burynǵy orynbasary Baýyrjan Jamalov (31,88%), Almaty qalasynyń burynǵy ákimi Erbolat Dosaevtyń jubaiy Gúlnar Dosaeva (25,6%), sondai-aq Lancaster Group-tyń qojaiyndary ári kásipkerler Berik Qaniev (16,73%) pen Iýrii Pak (16,73%), Álimbek Seidýllaev (7,42%).
Kompaniianyń 2024 jylǵy esebinde Gúlnár Dosaeva Altyntas Holding Ltd-daǵy óz aktivteriniń birin kompaniianyń aktsionerleri paidasyna satýdy josparlap otyrǵany kórsetilgen.
"Shynynda da, 2025 jyldyń 16 mamyrynda aktsionerlerdiń jalpy jinalysynda "Vasilevskoe" taý-ken metallýrgiialyq kompaniiasy" JShS men Boke kompaniiasyna ielik etetin Altyntas Holding-tiń 100% aktsiialary bereshekti óteý esebimen 4,9 mlrd teńgege satý týraly sheshim qabyldandy. Satyp alýshylar: Áigerim Bektaeva – 31,9% aktsiia (quny boiynsha 2,6 mlrd teńge), Gúlnar Dosaeva – 15,2% aktsiia (árqaisysy 496 mln teńge), Berik Qaniev, Iýrii Pak jáne Gaýhar Qapparova – árqaisysy 15,2%-dan, Álimbek Seidýllaev – 7,4% bolýy tiis. Mámile Ónerkásip ministrliginen jer qoinaýyn paidalaný quqyǵymen bailanysty obektilerdi aýystyrýǵa ruqsat alǵannan keiin ǵana aiaqtalýy múmkin", dep jazady basylym.
Aita ketsek, 2024 jyly "Jaltyrbulaq" kompaniiasy 1,46 mlrd teńge taza paida tapty. Alaida aktsionerler túsken paidadan dividend tólemeý týraly sheshim qabyldady. Óitkeni kompaniia 2023 jyly 1,18 mlrd teńge shyǵynǵa ushyraǵan.
2025 jyldyń basynan beri Qazaqstan qor birjasynan (KASE) osymen jetinshi kompaniia delisting jasady.
