Aqmola oblysynyń Birjan sal aýdanynda jumysshylardy tasymaldaǵan tirkeme (vagonsha) aýdarylyp, tórt adam óndiristik jaraqat aldy, dep habarlaidy dalanews.kz.
Oqiǵa «Qazger» JShS jumysshylaryn egistikke tasymaldaý kezinde bolǵan. Zardap shekkenderdiń úsheýi aýrýhanadan shyǵarylǵanymen, jas jumysshylardyń biri Temirbolat Qaiyrovtyń jaǵdaiy áli de aýyr.
Dárigerlerdiń málimetinshe, onyń omyrtqasy zaqymdanǵan. Alǵan jaraqaty múgedektikke ákelýi múmkin.
Temirbolattyń anasy Baian Baltasheva istiń obektivti tergeletinine kúmándanatynyn aitty. Onyń sózinshe, jumysshylar buǵan deiin birneshe ret jumys berýshiden adam tasymaldaýǵa arnalǵan qaýipsiz kólik berýdi suraǵan, alaida olardyń ótinishi eskerýsiz qalǵan.
Aqparatqa sáikes, qaiǵyly oqiǵa jumysshylar úige qaityp kele jatqanda bolǵan. Qozǵalys kezinde tirkeme júk kóliginen ajyrap ketken. Tirkemeniń súiretkishi jerge tirelip, vagonsha tórt ret aýdarylǵan.
Oqiǵadan keiin Temirbolattyń anasy politsiiaǵa aryz jazýǵa barǵan. Alaida onyń aitýynsha, Birjan sal aýdandyq politsiia bólimi bastapqyda ulynyń notarialdy senimhatyn talap etip, aryzdy qabyldaýdan bas tartqan.
Tek zańgerler aralasqannan keiin ǵana aryz tirkelip, oqiǵa boiynsha tergeý bastalǵan.
Qazirgi ýaqytta oqiǵanyń barlyq mán-jaiy anyqtalyp jatyr.
