التىن وندىرۋمەن اينالىساتىن «جالتىربۇلاق» كومپانياسىنىڭ جاي قاراپايىم اكسيالارى 30 شىلدەدەن باستاپ KASEء-نىڭ رەسمي تىزىمىنەن الىنىپ تاستالدى. مۇنداي شەشىم الماتىنىڭ بۇرىنعى اكىمىنىڭ ايەلى گۇلنار دوسايەۆاعا ءىشىنارا تيەسىلى كومپانيانىڭ ءوز باستاماسى بويىنشا قابىلدانعان، دەپ حابارلايدى Dalanews.kz.
«جالتىربۇلاقتىڭ» جاي اكسيالارى قازاقستان قور بيرجاسىنىڭ تىزىمىنە 2021 جىلى ەنگىزىلىپ، سول جىلدان باستاپ ساۋدالانا باستاعان. ال كومپانيانىڭ ءوزى 2015 جىلى قۇرىلىپ، قاراعاندى وبلىسىنداعى جالتىربۇلاق كەنىشىندە التىن وندىرۋمەن اينالىسادى.
«كەن يگەرۋ كەلىسىمشارتىنىڭ اياقتالاتىن ۋاقىتى 2024 جىلعا ساي كەلەدى. سول جىلى ماۋسىمدا ونەركاسىپ مينيسترلىگى قۇجاتتى تاعى ءتورت جىلعا ۇزارتۋ ءۇشىن كەلىسىم جۇرگىزۋگە رۇقسات بەردى. احقو-دا 2024 جىلعى شىلدەدە تىركەلگەن ءوزىنىڭ ەنشىلەس جەكە كومپانياسى Altyntas Holding Ltd ارقىلى "جالتىربۇلاق" "ۆاسيليەۆسكوە" تمك مەن Boke كومپانياسىنا دا تيەسىلى. سوڭعىسى شقو-داعى بوكو-ۆاسيليەۆ كەن ورنىنىڭ بىرنەشە ۋچاسكەلەرىندە بارلاۋ جانە ءوندىرۋ جۇمىستارىن جۇرگىزەدى. 2024 جىلى "ۆاسيليەۆسكوە" تمك كەلىسىمشارت بويىنشا شقو-داعى ۆاسيليەۆسكوە كەن ورنىندا التىن ءوندىرۋ جۇمىستارىن اياقتادى»، دەپ جازادى kursiv.kz.
KASE-دەگى 2025 جىلدىڭ 1 شىلدەدەگى مالىمەتتەر بويىنشا، «جالتىربۇلاقتىڭ» اكسيونەرلەرى مىنا ادامدار بولىپ تابىلادى: وڭتۇستىك قازاقستان وبلىسى اكىمىنىڭ بۇرىنعى ورىنباسارى باۋىرجان جامالوۆ (31،88%)، الماتى قالاسىنىڭ بۇرىنعى اكىمى ەربولات دوسايەۆتىڭ جۇبايى گۇلنار دوسايەۆا (25،6%)، سونداي-اق Lancaster Group-تىڭ قوجايىندارى ءارى كاسىپكەرلەر بەرىك قانييەۆ (16،73%) پەن يۋريي پاك (16،73%)، الىمبەك سەيدۋللايەۆ (7،42%).
كومپانيانىڭ 2024 جىلعى ەسەبىندە گۇلنار دوسايەۆا Altyntas Holding Ltd-داعى ءوز اكتيۆتەرىنىڭ ءبىرىن كومپانيانىڭ اكسيونەرلەرى پايداسىنا ساتۋدى جوسپارلاپ وتىرعانى كورسەتىلگەن.
"شىنىندا دا، 2025 جىلدىڭ 16 مامىرىندا اكسيونەرلەردىڭ جالپى جينالىسىندا "ۆاسيليەۆسكوە" تاۋ-كەن مەتاللۋرگيالىق كومپانياسى" ج ش س مەن Boke كومپانياسىنا يەلىك ەتەتىن Altyntas Holdingء-تىڭ 100% اكسيالارى بەرەشەكتى وتەۋ ەسەبىمەن 4،9 ملرد تەڭگەگە ساتۋ تۋرالى شەشىم قابىلداندى. ساتىپ الۋشىلار: ايگەرىم بەكتايەۆا – 31،9% اكسيا (قۇنى بويىنشا 2،6 ملرد تەڭگە)، گۇلنار دوسايەۆا – 15،2% اكسيا (ءارقايسىسى 496 ملن تەڭگە)، بەرىك قانييەۆ، يۋريي پاك جانە گاۋحار قاپپاروۆا – ءارقايسىسى 15،2%-دان، الىمبەك سەيدۋللايەۆ – 7،4% بولۋى ءتيىس. مامىلە ونەركاسىپ مينيسترلىگىنەن جەر قويناۋىن پايدالانۋ قۇقىعىمەن بايلانىستى وبەكتىلەردى اۋىستىرۋعا رۇقسات العاننان كەيىن عانا اياقتالۋى مۇمكىن"، دەپ جازادى باسىلىم.
ايتا كەتسەك، 2024 جىلى "جالتىربۇلاق" كومپانياسى 1،46 ملرد تەڭگە تازا پايدا تاپتى. الايدا اكسيونەرلەر تۇسكەن پايدادان ديۆيدەند تولەمەۋ تۋرالى شەشىم قابىلدادى. ويتكەنى كومپانيا 2023 جىلى 1،18 ملرد تەڭگە شىعىنعا ۇشىراعان.
2025 جىلدىڭ باسىنان بەرى قازاقستان قور بيرجاسىنان (KASE) وسىمەن جەتىنشى كومپانيا دەليستينگ جاسادى.
