Air Astana áýe kompaniiasynyń Antaliia–Astana baǵytyndaǵy KC 792 reisi tehnikalyq aqaýǵa bailanysty bir táýlikke jýyq keshikti, dep habarlaidy dalanews.kz.
Jolaýshylardyń aitýynsha, ushaq uzaq ýaqyt boiy ushpai, jóndeý jumystary tikelei áýejaida júrgizilgen. Olar tehnikalyq mamandardyń qozǵaltqysh bóligin jóndep jatqanyn videoǵa túsirip, áleýmettik jelide jariialaǵan.
Air Astana bul jaǵdaiǵa qatysty túsinikteme berip, ushaqtaǵy tehnikalyq aqaýdy joiý úshin qosalqy bólshekti aýystyrý qajet bolǵanyn málimdedi. Kompaniianyń aitýynsha, barlyq jóndeý jumystary halyqaralyq aviatsiialyq qaýipsizdik talaptaryna sáikes júrgizilgen jáne aqaý tolyq joiylǵannan keiin ǵana ushýǵa ruqsat berilgen.
Air Astana áýe kompaniiasynyń baspasóz qyzmeti reistiń tehnikalyq sebepke bailanysty keiinge shegerilgenin málimdedi.
“Tehnikalyq sebepke bailanysty reis keiinge shegerildi. Ushaq jergilikti ýaqyt boiynsha saǵat 19:33-te (Astana ýaqytymen 21:33) ushty”, – dep habarlaǵan áýe kompaniianyń baspasóz qyzmeti.
Áýe kompaniiasy qaýipsizdik talaptary árdaiym birinshi orynda ekenin atap ótti. Sondai-aq reistiń keshigýine bailanysty jolaýshylarǵa qonaqúi, tamaq jáne qoldanystaǵy erejelerge sáikes basqa da qyzmetter kórsetilgen.
