2025 jyldyń alǵashqy jartyjyldyǵynda Qazaqstandyq Ulttyq elektrondy kitaphanasy Kazneb.kz platformasynyń damý qarqyny jańa deńgeige kóterildi.
Iaǵni, kontent qaralymynyń sany 4 076 629-ǵa jetip, 30% ósse, paidalanýshy 379 312, qashyqtyqtan 746 056 paidalanýshy kirip, 44% artty. Sondai-aq avtorlardyń ruqsatymen qujattardy júkteý sany 1 million 600 myńnan asty.
Jyl basynan beri elektrondy baza 2 758 qujatpen tolyǵyp, byltyr osy kezeńmen salystyrǵanda 6% kóbeidi. Búginge deiin 114 842 bet skanerlenip, 362 049 bet redaktsiialandy.
Qazaqstandyq Ulttyq elektrondy kitaphana qorynda 81 357 qujat saqtalǵan, 64 tildegi qujattarmen erkin tanysý múmkindigi bar.
QazUEK – qazaqstandyq mazmundaǵy keń kólemdi aqparattar usyna alatyn tuńǵysh memlekettik kitaphanalyq portal.
Kez kelgen paidalanýshy internet jelisi arqyly Qazaqstandyq Ulttyq elektrondy kitaphana portalyna tirkelýsiz, erkin, avtorizatsiiasyz tolyq mátindi qujattarmen tanysa alady. QazUEK álemniń 110 elinen paidalanýshylardyń senim artyp, turaqty qoldanatyn portalyna ainalyp keledi. Negizgi elder qatarynda Qazaqstan, Resei, Germaniia, AQSh, Ózbekstan, Niderlandy, Frantsiia, Túrkiia, Qytai, Ulybritaniia jáne t.b. bar.
Portal kózi nashar kóretin jandar úshin de qoljetimdi.
