Tanymal ánshi, "MýzART" tobynyń múshesi Meirambek Bespaev "Parasat" ordenimen marapattaldy, dep habarlaidy dalanews.kz.
Almatyda mádeniet salasynyń birqatar ókiline memlekettik nagradalar tabystaldy. Prezident Qasym-Jomart Toqaevtyń jarlyǵymen berilgen marapattardy Mádeniet jáne aqparat ministri Aida Balaeva tapsyrdy.
Meirambek Bespaevtyń qýanyshty jańalyǵyn onyń ónerdegi áriptesi ári jaqyn dosy Sáken Maiǵaziev áleýmettik jelidegi paraqshasynda bólisti.
"Súiinshi! Meirambek dosym "Parasat" ordenimen marapattaldy. Qazaq ónerine bergeniń de, bereriń de kóp. Abyroiyń asqaqtai bersin. Aq júregimmen qýanyshtymyn! Jasa, qazaq óneri!" – dep jazdy ol.
Jeli qoldanýshylary da ánshiniń qýanyshyna ortaqtasyp, Meirambek Bespaevqa jyly lebizderin arnady. Olar óner iesine shyǵarmashylyq tabys, zor densaýlyq jáne abyroi tiledi.
