Májilis depýtaty Sergei Ponomariov Almaty metrosyn keńeitýge 1 milliard dollar bólingenin aityp, bul qarjy tek eki jańa stantsiia qurylysyna ketip jatqanyn synǵa aldy. Onyń aitýynsha, qazirgi tańda tonnel qazý jumystary táýligine nebári eki metr jyldamdyqpen júrgizilýde. Depýtat bul kórsetkishti tym baiaý dep baǵalap, qurylysqa qytailyq kompaniialardy tartý tiimdi bolar edi degen pikir bildirdi, dep habarlaidy Dalanews.kz.
Alaida naqty derekterge súiensek, «Baýyrjan Momyshuly» stantsiiasynan «Qalqamanǵa» deiingi aralyqta qazý jumystary táýligine shamamen tórt metr jyldamdyqpen júrip jatyr. Merdigerlerdiń aitýynsha, bul ýchaske geologiialyq turǵydan kúrdeli: iri tastar men valýndar jii kezdesedi, keibiriniń diametri 1,5 metrge deiin jetedi. Osyndai erekshelikter jumys qarqynyn tejeitinin túsindirdi. Degenmen jeńil ýchaskelerde qazý jyldamdyǵy arta túsedi.
Sheteldik kompaniialar qurylysqa qyzyǵýshylyq tanytqanymen, olardyń qyzmeti aitarlyqtai qymbatqa túsetin bolǵan. Esepteýlerge sai, sheteldik merdigerlermen jumys isteý ár shaqyrymǵa qosymsha 20 million dollar shyǵyn ákelýi múmkin. Bul somaǵa logistika, tehnikany beiimdeý, tildik jáne zańdyq erekshelikterge bailanysty qosymsha shyǵyndar kirmegen.
Sonymen qatar, sheteldik merdigerler kóbine EPC úlgisimen jumys isteidi: qaǵaz júzinde tolyq jaýapkershilikti óz moinyna alady, biraq is júzinde merzim men qarjynyń artyq jumsalý táýekelderin tapsyrys berýshige aýdarady. Mundai jaǵdailar ózge elderde de tirkelgen.
Qazirgi ýaqytta Almatydaǵy metro qurylysy bekitilgen ýaqytpen júrip jatyr, keibir ýchaskelerde jospardan ozyq jumys atqarylýda. Sol jaq tonnel tolyǵymen aiaqtalǵan, endi rels tóseý jumystary bastaldy. Al oń jaq tonnelde 1593 metrdiń 875 metri qazylyp bitken. «Qalqaman» stantsiiasy normativti 36 aidyń ornyna 14 aida tapsyrylady dep josparlanyp otyr.
