مەجٸلٸس دەپۋتاتى سەرگەي پونوماريوۆ الماتى مەتروسىن كەڭەيتۋگە 1 ميلليارد دوللار بٶلٸنگەنٸن ايتىپ, بۇل قارجى تەك ەكٸ جاڭا ستانتسييا قۇرىلىسىنا كەتٸپ جاتقانىن سىنعا الدى. ونىڭ ايتۋىنشا, قازٸرگٸ تاڭدا توننەل قازۋ جۇمىستارى تەۋلٸگٸنە نەبەرٸ ەكٸ مەتر جىلدامدىقپەن جٷرگٸزٸلۋدە. دەپۋتات بۇل كٶرسەتكٸشتٸ تىم باياۋ دەپ باعالاپ, قۇرىلىسقا قىتايلىق كومپانييالاردى تارتۋ تيٸمدٸ بولار ەدٸ دەگەن پٸكٸر بٸلدٸردٸ, دەپ حابارلايدى Dalanews.kz.
الايدا ناقتى دەرەكتەرگە سٷيەنسەك, «باۋىرجان مومىشۇلى» ستانتسيياسىنان «قالقامانعا» دەيٸنگٸ ارالىقتا قازۋ جۇمىستارى تەۋلٸگٸنە شامامەن تٶرت مەتر جىلدامدىقپەن جٷرٸپ جاتىر. مەردٸگەرلەردٸڭ ايتۋىنشا, بۇل ۋچاسكە گەولوگييالىق تۇرعىدان كٷردەلٸ: ٸرٸ تاستار مەن ۆالۋندار جيٸ كەزدەسەدٸ, كەيبٸرٸنٸڭ ديامەترٸ 1,5 مەترگە دەيٸن جەتەدٸ. وسىنداي ەرەكشەلٸكتەر جۇمىس قارقىنىن تەجەيتٸنٸن تٷسٸندٸردٸ. دەگەنمەن جەڭٸل ۋچاسكەلەردە قازۋ جىلدامدىعى ارتا تٷسەدٸ.
شەتەلدٸك كومپانييالار قۇرىلىسقا قىزىعۋشىلىق تانىتقانىمەن, ولاردىڭ قىزمەتٸ ايتارلىقتاي قىمباتقا تٷسەتٸن بولعان. ەسەپتەۋلەرگە ساي, شەتەلدٸك مەردٸگەرلەرمەن جۇمىس ٸستەۋ ەر شاقىرىمعا قوسىمشا 20 ميلليون دوللار شىعىن ەكەلۋٸ مٷمكٸن. بۇل سوماعا لوگيستيكا, تەحنيكانى بەيٸمدەۋ, تٸلدٸك جەنە زاڭدىق ەرەكشەلٸكتەرگە بايلانىستى قوسىمشا شىعىندار كٸرمەگەن.
سونىمەن قاتار, شەتەلدٸك مەردٸگەرلەر كٶبٸنە EPC ٷلگٸسٸمەن جۇمىس ٸستەيدٸ: قاعاز جٷزٸندە تولىق جاۋاپكەرشٸلٸكتٸ ٶز موينىنا الادى, بٸراق ٸس جٷزٸندە مەرزٸم مەن قارجىنىڭ ارتىق جۇمسالۋ تەۋەكەلدەرٸن تاپسىرىس بەرۋشٸگە اۋدارادى. مۇنداي جاعدايلار ٶزگە ەلدەردە دە تٸركەلگەن.
قازٸرگٸ ۋاقىتتا الماتىداعى مەترو قۇرىلىسى بەكٸتٸلگەن ۋاقىتپەن جٷرٸپ جاتىر, كەيبٸر ۋچاسكەلەردە جوسپاردان وزىق جۇمىس اتقارىلۋدا. سول جاق توننەل تولىعىمەن اياقتالعان, ەندٸ رەلس تٶسەۋ جۇمىستارى باستالدى. ال وڭ جاق توننەلدە 1593 مەتردٸڭ 875 مەترٸ قازىلىپ بٸتكەن. «قالقامان» ستانتسيياسى نورماتيۆتٸ 36 ايدىڭ ورنىنا 14 ايدا تاپسىرىلادى دەپ جوسپارلانىپ وتىر.
