Qazaqstanda kólik baǵasy da kóterilip ketti, dep habarlaıdy Dalanews.kz.
Bıyl maýsymda Qazaqstanda jeńil kólikterdiń baǵasy byltyrmen salystyrǵanda 11,6 paıyzǵa ósken. Bul - Eýrazıalyq ekonomıkalyq odaq (EAEO) elderi ishindegi eń joǵary ósim. Máselen odaq elderinde ortasha baǵa ósimi bar bolǵany 2,2 paıyz bolǵan. Bul jóninde Data Hub málimdedi.
Salystyrý úshin Armenıa men Belarýste kólik baǵasy tómendegen, al Qyrǵyzstan men Reseıde ósim aıtarlyqtaı bolmaǵan, sáıkesinshe 0,2 jáne 1,4 paıyz ǵana.
2025 jyldyń alǵashqy jartyjyldyǵynda kólik baǵasy tek Qazaqstan men Reseıde ósken: Qazaqstanda 9,3 paıyzǵa, Reseıde 2,8 paıyzǵa.
Ulttyq statısıka búrosynyń derekterine súıensek, elimizde kólik baǵasynyń aıtarlyqtaı ósýine jańa kóliktiń qymbattaýy sebep bolǵan. Jańa kólikterdiń baǵasy maýsymdaǵy jyldyq esep boıynsha 21,3 paıyzǵa kóterilgen. Al kerisinshe qoldanystaǵy eski kólikterdiń baǵasy tómendegeni baıqalǵan.
1 maýsymdaǵy málimet boıynsha Qazaqstanda tirkelgen kólikterdiń jalpy sany 6,3 mıllıonǵa jetken.
