Týrister Kóbeituz kólinen qyzǵylt tuzdy jappai qazyp áketip jatqany týraly aqparat tarady, politsiia bul jaǵdaiǵa pikir bildirdi, dep habarlaidy Dalanews.kz.
Stan.kz aqparat agenttigi málimetinshe, jelide Aqmola oblysynda ornalasqan Kóbeituz kóliniń vandalizmge ushyraǵany jóninde aqparat taraǵan.
Aqmola oblysy Ermeitaý aýdandyq Politsiia departamentiniń baspasóz qyzmeti bul derekti rastady.
"Politsiia departamenti Ereimentaý aýdanynyń politsiia bóliminde Kóbeituz kólindegi tabiǵatty qorǵaý zańnamasyn buzý deregi tirkelgenin habarlaidy. Mán-jaidy anyqtaý jáne ol adamdardy jaýapkershilikke tartý sharalary júrgizilip jatyr", – delingen habarlamada.
Aita keteiik, Kóbeituz kóli – Aqmola oblysy Ereimentaý aýdanynda ornalasqan biregei ári erekshe tabiǵi kól. Ol jylyna birneshe ret qyzǵylt túske boialyp otyrady. Sýdyń qyzǵylt reńge boialýyna negizinen tuzdy teńizderdi mekendeitin birjasýshaly dýnaliella sortańdy sý baldyry áser etedi dep sanalady. Álemde mundai segiz kól ǵana bar.
