تۋريستەر كوبەيتۇز كولىنەن قىزعىلت تۇزدى جاپپاي قازىپ اكەتىپ جاتقانى تۋرالى اقپارات تارادى، پوليسيا بۇل جاعدايعا پىكىر ءبىلدىردى، دەپ حابارلايدى Dalanews.kz.
Stan.kz اقپارات اگەنتتىگى مالىمەتىنشە، جەلىدە اقمولا وبلىسىندا ورنالاسقان كوبەيتۇز كولىنىڭ ۆانداليزمگە ۇشىراعانى جونىندە اقپارات تاراعان.
اقمولا وبلىسى ەرمەيتاۋ اۋداندىق پوليسيا دەپارتامەنتىنىڭ باسپا ءسوز قىزمەتى بۇل دەرەكتى راستادى.
"پوليسيا دەپارتامەنتى ەرەيمەنتاۋ اۋدانىنىڭ پوليسيا بولىمىندە كوبەيتۇز كولىندەگى تابيعاتتى قورعاۋ زاڭناماسىن بۇزۋ دەرەگى تىركەلگەنىن حابارلايدى. ءمان-جايدى انىقتاۋ جانە ول ادامداردى جاۋاپكەرشىلىككە تارتۋ شارالارى جۇرگىزىلىپ جاتىر"، – دەلىنگەن حابارلامادا.
ايتا كەتەيىك، كوبەيتۇز كولى – اقمولا وبلىسى ەرەيمەنتاۋ اۋدانىندا ورنالاسقان بىرەگەي ءارى ەرەكشە تابيعي كول. ول جىلىنا بىرنەشە رەت قىزعىلت تۇسكە بويالىپ وتىرادى. سۋدىڭ قىزعىلت رەڭگە بويالۋىنا نەگىزىنەن تۇزدى تەڭىزدەردى مەكەندەيتىن ءبىرجاسۋشالى دۋناليەللا سورتاڭدى سۋ بالدىرى اسەر ەتەدى دەپ سانالادى. الەمدە مۇنداي سەگىز كول عانا بار.
