Jambyl oblysyndaǵy jol apatyna bailanysty is qozǵaldy. Júrgizýshi Rahmonovtyń jubaiy bolýy múmkin, dep habarlaidy Dalanews.kz Qazaq.today-ge silteme jasap.
Jambyl oblysynda eki adamnyń ólimine sebep bolǵan jol apaty boiynsha Qylmystyq kodekstiń 345-baby boiynsha is qozǵaldy. Bul apatqa UFC jekpe-jek uiymynda óner kórsetetin qazaqstandyq sportshy Shavkat Rahmonovtyń jubaiy qatysqan bolýy múmkin degen aqparat áleýmettik jelide taraýda.
Oblystyq politsiia departamentiniń málimetinshe, qazirgi tańda oqiǵanyń naqty sebebi men mán-jaiyn anyqtaýǵa baǵyttalǵan tergeý amaldary júrgizilip jatyr. Kólik aiyp turaǵyna qoiylǵan.
Jol-kólik oqiǵasy 27 shildede saǵat 08:50 shamasynda «Almaty – Ekaterinbýrg» tas jolynyń 299-shaqyrymynda bolǵan. Qaraǵandy oblysynan Almatyǵa bet alǵan Toyota Land Cruiser 200 kóliginiń júrgizýshisi rólge ie bola almai, kólik aýdarylyp ketken.
Apat saldarynan eki adam oqiǵa ornynda kóz jumdy, taǵy eki adam túrli jaraqatpen aýrýhanaǵa jetkizilgen.
Osy oqiǵaǵa bailanysty júrgizýshi Shavkat Rahmonovtyń jubaiy bolýy múmkin degen aqparat internette tarady, biraq bul málimet ázirge politsiia tarapynan resmi túrde rastalǵan joq.
