Qazaqstandyq bloger Álisher Elikbaev ózine túsken tabystan 5 mln teńge salyq tóleýdi talap etken Qarjy mınıstrligi Memlekettik kirister komıtetimen jarty jyl sottasyp, aqyry ádildikke jetkenin málimdedi, dep habarlaıdy Dalanews.kz.
Esterińizde bolsa, aqpan aıynda Qazaqstanda júzdegen bloger salyq organdarynan habarlama alǵany belgili.
"Birneshe joldasyma 1 mlrd teńge, ondaǵan ınflúenserdegi dostaryma 100 mln teńge, al ózge basym bóligine 20-dan 100 mıllıon teńgege deıin salyq tóleýdi talap etken habarlama kelgen, al myna paqyrlaryńyzǵa eki jylǵa bar-joǵy 5 mıllıon teńge jazypty", - dep jazady qaǵyta bloger Facebook-tegi paraqshasynda.
Elikbaevtyń aıtýynsha, onyń aldyna tartylǵan somalar óz paraqshasyna jazylýshylarmen birlesip uıymdastyrǵan qaıyrymdylyq alymdarymen baılanysty. Sondaı jobalardyń qatarynda balalar hospısine reanımobıl satyp alý, Mınskide naýqastarǵa búırek transplantasıasy boıynsha kómek kórsetý, sondaı-aq Ýkraınada dárigerlerge medısınalyq jabdyqtar satyp alý syndy qaıyrymdylyq aksıalary kiredi.
"Bul alymdarǵa salyq salynbaıdy, óıtkeni bul meniń kiristerim emes, aqsha qaıyrymdylyq qorlaryna, klınıkalarǵa, avtoóndirýshilerge nemese medısınalyq jabdyqtardyń dıstrıbútorlaryna tústi", - deıdi Elikbaev.
Ol salyq qyzmetkerleriniń qabyldaýynda bolyp, olarǵa qansha aqsha jınalǵanyn, qanshasyna qaıyrymdylyq zaty satyp alynǵany jáne ony tapsyrý sátterin aıǵaqtaıtyn qujattardy usynǵanyn aıtady. Alaıda, onyń aıtýynsha, bul dálelder Memlekettik kirister komıtetiniń bir de bir deńgeıinde eskerilmegen. Sol sebepti Álisher Elikbaev sotqa júginý týraly sheshim qabyldaıdy.
Jarty jyl ýaqyt ketken sotta aqyrynda: "Salyq organy qyzmetkerleriniń áreketteri zańsyz dep tanylsyn, tolyqqandy salyqtyq tekserýden bas tartylsyn" delingen sheshim shyǵaryldy.
Aıta ketsek, 2025 jyldyń aqpan aıynda memlekettik kirister komıteti 594 blogerge 53,3 mlrd teńge somasyna "kiristerdi tómendetip kórsetý" boıynsha buzýshylyqtarǵa jol bergeni týraly habarlamalar joldady. Al birneshe kúnnen keıin vedomstvo habarlamalardy jiberý kezinde tehnıkalyq aqaýlar bolǵanyn málimdedi, sodan keıin MKK 9,8 mlrd teńgege 93 blogerge jiberilgen 169 habarlamany keri qaıtaryp aldy. Alaıda, aqpan aıynyń sońynda komıtet 854 blogerge 71,9 mlrd teńge somasyna "kiristerdi tómendetý" buzýshylyqtary boıynsha kameraldyq baqylaý habarlamalary joldanǵanyn málimdedi. Bul rette kórsetilgen somany salyq organy tólenbegen salyqtardyń somasy emes, blogerlerdiń salyq deklarasıalarynda kórsetilmegen boljamdy kirister ekenin naqtylady.
