Astana qalasynyń ákimi Jeńis Qasymbek stýdentterdi jataqhanamen qamtamasyz etý jumystary týraly Instagram paraqshasynda málimdedi,- dep habarlaidy Dalanews.kz
Ákimniń aitýynsha, jańa oqý jylynyń bastalýyna az ýaqyt qalsa da, áleýmettik nysandardy ashýǵa daiyndyq qarqyndy júrip jatyr. Bul baǵytta Salalyq ministrlik, joǵary oqý oryndary jáne investorlarmen birlesip, jataqhana oryndaryn kóbeitý jumystary júrgizilýde.
Ǵylym jáne joǵary bilim ministri Saiasat Nurbekpen birge qala basshysy A.Pýshkin kóshesi, 13a mekenjaiynda ornalasqan, jeke investitsiia esebinen salynǵan 400 oryndyq jańa jataqhanany aralap kórdi.
2025 jyldyń basynan beri elordada shamamen 2 700 oryndyq jataqhana paidalanýǵa berilgen. Jyl sońyna deiin taǵy 2 060 orynǵa arnalǵan 7 nysan ashý josparlanyp otyr. Osylaisha, biyl jalpy syiymdylyǵy 4 716 oryndyq 8 stýdenttik jataqhana iske qosylady.
Ótken jyly Astanada 1 700 oryndyq 5 jataqhana paidalanýǵa berilgen bolatyn.
Sonymen qatar, jańa oqý jyly aiasynda qalada 15 mektep ashylady, onyń 7-eýi «Jaily mektep» ulttyq jobasy boiynsha salynýda. Bul qosymsha 28 myń oqýshy ornyn qamtamasyz etedi. Budan bólek, elordada balabaqshalar, oqýshylar saraiy jáne ózge de áleýmettik nysandar boi kóterýde.
