Sońǵy úsh jyl ishinde Jetisý oblysynyń áleýmettik-ekonomikalyq damýynda negizgi salalar boiynsha oń dinamika saqtaldy. Bul rette 2022–2024 jyldar aralyǵynda óńirge 1,2 trln teńge investitsiia tartylǵan, onyń ishinde jeke investitsiialar – 808,5 mlrd teńge. Osy kezeńde 135 joba iske asyrylyp, 3,8 myń jumys orny ashylǵan,- dep habarlaidy Dalanews.kz
2025 jyldyń birinshi jartyjyldyǵynda da oń ósim saqtalyp otyr: aýyl sharýashylyǵy salasynda ósim – 3%, ónerkásip óndirisi – 7,9%, turǵyn úidi paidalanýǵa berý - 10,6%, qurylys jumystarynyń kólemi 1,4 esege artty. 178 mlrd teńge investitsiia tartylyp, ósim 29,5%-dy qurady, onyń 130,2 mlrd teńgesi – jeke investitsiialar, naqty kólem indeksi – 125,1%.
Óńirdiń ónerkásiptik áleýetin damytý úshin qolaily investitsiialyq ahýal qalyptastyrý baǵytynda keshendi sharalar qabyldanýda. Sonyń nátijesinde 2025-2027 jyldarǵa arnalǵan investitsiialyq portfel qalyptastyrylyp, oǵan jalpy somasy 2,6 trln teńgeni quraityn 128 joba engizildi, bul jobalar 10,6 myń jumys ornyn ashýǵa múmkindik beredi.
Atalǵan jobalardyń ishindegi irilerin atap ótsek, qýattylyǵy jylyna 860 myń tonna mys kontsentratyn óndiretin taý-ken baiytý kombinatynyń qurylysy, jalpy aýdany 1000 gektar bolatyn «Qazaqstan-Qytai halyqaralyq ónerkásiptik qalasy» indýstriialyq parki, qýaty jylyna 2 GVt bolatyn (250 jiyntyq týrbina) jel elektr stantsiialaryn shyǵaratyn zaýyt, júk ainalymy 50 myń tonna jáne jolaýshylar ótkizý qabileti saǵatyna 500 adamdy quraityn halyqaralyq júk-jolaýshylar áýejaiy.
Bul rette oblys qurylǵannan beri óndiristik akkýmýliatolar, gazoblok kirpishter, kún panelderin shyǵaratyn zaýyttar, sol siiaqty jalpy qýaty 150 MV jýyqtaityn jel jáne sý elektr stantsiialary iske qosyldy.
- Jetisý oblysynda jyl saiyn jańa kásiporyndar iske qosylyp jatqany qýantady. Bul jańa jumys oryndarynyń ashylýyna, halyqtyń ál-aýqatyn jaqsartýǵa, ishki naryqty yntalandyrýǵa, oblys ekonomikanynyń turaqty damýyna yqpal etedi. Biz óz tarapymyzdan óndiris qýatyn arttyryp, jańa tiehnologiialar engizýge, shyǵaratyn taýar túrlerin kóbeitip, ónim sapasyn jaqsartýǵa tyrysyp kelemiz. Jalpy turaqty damý – negizgi maqsatymyz, - dedi «Temirbeton» JShS direktory Azat Erǵaliev.
Sondai-aq óńirdiń investitsiialyq, kólik-logistikalyq jáne tranzittik áleýetin damytýda «Qorǵas – Shyǵys qaqpasy» arnaiy ekonomikalyq aimaǵyna, «Qorǵas» shekara mańy yntymaqtastyǵy halyqaralyq ortalyǵyna (ShYHO), «Dostyq» shekaralyq stantsiiasy men keden beketteriniń róli úlken. «Qorǵas» ShYHO ashylǵaly beri Ortalyqta servistik jáne injenerlik infraqurylym jaqsartyldy. Sonyń nátijesinde 2023–2024 jyldar aralyǵynda ortalyqqa 3,4 mln adam kelip-qaitqan, 7,9 mlrd teńgege bilet satyldy, júk tasymalynyń kólemi 70,2 myń tonnaǵa jetti, memlekettik biýdjetke túsim 44 ese artyp, 7,2 mlrd teńge túsim túsken. Bul rette 2022 jyldan búginge deiin jobalar sany 18-den 45-ke deiin ósti, ashylǵan jumys ornynyń sany 3,6 myńdy qurady, al tartylǵan investitsiialar kólemi 3 esege: 83 mlrd. teńgeden 259 mlrd.teńgege deiin ósti.
Sonymen qatar «Qorǵas – Shyǵys qaqpasy» AEA-daǵy óndiris kólemi 2023 jyly 26,9 mlrd teńgeni qurap, 2022 jylmen salystyrǵanda 2 ese artty. Sońǵy úsh jylda bul aýmaqtaǵy jobalar sany 14-ten 64-ke deiin ulǵaiyp, 4,5 esege artty, sonyń nátijesinde 7,5 myń jumys orny ashylyp, tartylǵan investitsiia kólemi 600 mlrd teńgeden asty.
