سوڭعى ءۇش جىل ىشىندە جەتىسۋ وبلىسىنىڭ الەۋمەتتىك-ەكونوميكالىق دامۋىندا نەگىزگى سالالار بويىنشا وڭ ديناميكا ساقتالدى. بۇل رەتتە 2022–2024 جىلدار ارالىعىندا وڭىرگە 1،2 ترلن تەڭگە ينۆەستيسيا تارتىلعان، ونىڭ ىشىندە جەكە ينۆەستيسيالار – 808،5 ملرد تەڭگە. وسى كەزەڭدە 135 جوبا ىسكە اسىرىلىپ، 3،8 مىڭ جۇمىس ورنى اشىلعان،- دەپ حابارلايدى Dalanews.kz
2025 جىلدىڭ ءبىرىنشى جارتىجىلدىعىندا دا وڭ ءوسىم ساقتالىپ وتىر: اۋىل شارۋاشىلىعى سالاسىندا ءوسىم – 3%، ونەركاسىپ ءوندىرىسى – 7،9%، تۇرعىن ءۇيدى پايدالانۋعا بەرۋ - 10،6%، قۇرىلىس جۇمىستارىنىڭ كولەمى 1،4 ەسەگە ارتتى. 178 ملرد تەڭگە ينۆەستيسيا تارتىلىپ، ءوسىم 29،5%-دى قۇرادى، ونىڭ 130،2 ملرد تەڭگەسى – جەكە ينۆەستيسيالار، ناقتى كولەم يندەكسى – 125،1%.
ءوڭىردىڭ ونەركاسىپتىك الەۋەتىن دامىتۋ ءۇشىن قولايلى ينۆەستيسيالىق احۋال قالىپتاستىرۋ باعىتىندا كەشەندى شارالار قابىلدانۋدا. سونىڭ ناتيجەسىندە 2025-2027 جىلدارعا ارنالعان ينۆەستيسيالىق پورتفەل قالىپتاستىرىلىپ، وعان جالپى سوماسى 2،6 ترلن تەڭگەنى قۇرايتىن 128 جوبا ەنگىزىلدى، بۇل جوبالار 10،6 مىڭ جۇمىس ورنىن اشۋعا مۇمكىندىك بەرەدى.
اتالعان جوبالاردىڭ ىشىندەگى ىرىلەرىن اتاپ وتسەك، قۋاتتىلىعى جىلىنا 860 مىڭ توننا مىس كونسەنتراتىن وندىرەتىن تاۋ-كەن بايىتۋ كومبيناتىنىڭ قۇرىلىسى، جالپى اۋدانى 1000 گەكتار بولاتىن «قازاقستان-قىتاي حالىقارالىق ونەركاسىپتىك قالاسى» يندۋستريالىق پاركى، قۋاتى جىلىنا 2 گۆت بولاتىن (250 جيىنتىق تۋربينا) جەل ەلەكتر ستانسيالارىن شىعاراتىن زاۋىت، جۇك اينالىمى 50 مىڭ توننا جانە جولاۋشىلار وتكىزۋ قابىلەتى ساعاتىنا 500 ادامدى قۇرايتىن حالىقارالىق جۇك-جولاۋشىلار اۋەجايى.
بۇل رەتتە وبلىس قۇرىلعاننان بەرى وندىرىستىك اككۋمۋلياتولار، گازوبلوك كىرپىشتەر، كۇن پانەلدەرىن شىعاراتىن زاۋىتتار، سول سياقتى جالپى قۋاتى 150 مۆ جۋىقتايتىن جەل جانە سۋ ەلەكتر ستانسيالارى ىسكە قوسىلدى.
- جەتىسۋ وبلىسىندا جىل سايىن جاڭا كاسىپورىندار ىسكە قوسىلىپ جاتقانى قۋانتادى. بۇل جاڭا جۇمىس ورىندارىنىڭ اشىلۋىنا، حالىقتىڭ ءال-اۋقاتىن جاقسارتۋعا، ىشكى نارىقتى ىنتالاندىرۋعا، وبلىس ەكونوميكانىنىڭ تۇراقتى دامۋىنا ىقپال ەتەدى. ءبىز ءوز تاراپىمىزدان ءوندىرىس قۋاتىن ارتتىرىپ، جاڭا تيەحنولوگيالار ەنگىزۋگە، شىعاراتىن تاۋار تۇرلەرىن كوبەيتىپ، ءونىم ساپاسىن جاقسارتۋعا تىرىسىپ كەلەمىز. جالپى تۇراقتى دامۋ – نەگىزگى ماقساتىمىز، - دەدى «تەمىربەتون» ج ش س ديرەكتورى ازات ەرعالييەۆ.
سونداي-اق ءوڭىردىڭ ينۆەستيسيالىق، كولىك-لوگيستيكالىق جانە ترانزيتتىك الەۋەتىن دامىتۋدا «قورعاس – شىعىس قاقپاسى» ارنايى ەكونوميكالىق ايماعىنا، «قورعاس» شەكارا ماڭى ىنتىماقتاستىعى حالىقارالىق ورتالىعىنا (شىحو)، «دوستىق» شەكارالىق ستانسياسى مەن كەدەن بەكەتتەرىنىڭ ءرولى ۇلكەن. «قورعاس» شىحو اشىلعالى بەرى ورتالىقتا سەرۆيستىك جانە ينجەنەرلىك ينفراقۇرىلىم جاقسارتىلدى. سونىڭ ناتيجەسىندە 2023–2024 جىلدار ارالىعىندا ورتالىققا 3،4 ملن ادام كەلىپ-قايتقان، 7،9 ملرد تەڭگەگە بيلەت ساتىلدى، جۇك تاسىمالىنىڭ كولەمى 70،2 مىڭ تونناعا جەتتى، مەملەكەتتىك بيۋدجەتكە ءتۇسىم 44 ەسە ارتىپ، 7،2 ملرد تەڭگە ءتۇسىم تۇسكەن. بۇل رەتتە 2022 جىلدان بۇگىنگە دەيىن جوبالار سانى 18-دەن 45-كە دەيىن ءوستى، اشىلعان جۇمىس ورنىنىڭ سانى 3،6 مىڭدى قۇرادى، ال تارتىلعان ينۆەستيسيالار كولەمى 3 ەسەگە: 83 ملرد. تەڭگەدەن 259 ملرد.تەڭگەگە دەيىن ءوستى.
سونىمەن قاتار «قورعاس – شىعىس قاقپاسى» اەا-داعى ءوندىرىس كولەمى 2023 جىلى 26،9 ملرد تەڭگەنى قۇراپ، 2022 جىلمەن سالىستىرعاندا 2 ەسە ارتتى. سوڭعى ءۇش جىلدا بۇل اۋماقتاعى جوبالار سانى 14-تەن 64-كە دەيىن ۇلعايىپ، 4،5 ەسەگە ارتتى، سونىڭ ناتيجەسىندە 7،5 مىڭ جۇمىس ورنى اشىلىپ، تارتىلعان ينۆەستيسيا كولەمى 600 ملرد تەڭگەدەن استى.
