Memleket basshysy Qasym-Jomart Toqaev tamyz konferentsiiasynyń plenarlyq otyrysynda sóiledi, dep habarlaidy Dalanews.kz.
"Zorlyq-zombylyqqa, álimjetikke, iaǵni býllingke, qatigezdik pen ozbyrlyqqa múlde jol berilmeýi kerek. Sońǵy eki jylda óskeleń urpaqtyń quqyǵyn qorǵaý úshin naqty sharalar qabyldandy. Kámelet jasyna tolmaǵandarǵa qatysty jasalǵan kez kelgen zorlyq-zombylyq úshin beriletin jaza qataidy, bala quqyqtary jónindegi ýákildiń quzireti keńeidi. Sondai-aq, taǵy bir ózekti másele. Balalardyń óz-ózine qol jumsaý jaǵdailarynyń, iaǵni sýitsidtiń aldyn alý boiynsha júieli jumys istelip jatyr. Elimizdegi barlyq mektepte 111 psihologiialyq qoldaý qyzmetiniń QR-kody ornatyldy", - dedi Toqaev.
Jańa oqý jylynan bastap mektepter men kolledjderde álimjettikke, býllingke qarsy DosbolLIKE atty baǵdarlama iske qosylady.
"Negizgi maqsat – balalar men jetkinshekter arasyndaǵy zorlyq-zombylyqtyń aldyn alý. Bul baǵyttaǵy mańyzdy jumys toqtamaidy, jasóspirimderdiń quqyǵy men múddesin qorǵaý máselesi árdaiym memleket nazarynda bolady. "Ne ekseń, sony orasyń" degen. Qazir biz bir qoǵam bolyp jas urpaqtyń boiyna qandai qundylyqtardy sińirsek, erteń ondaǵan jyldan keiin ultymyzdyń sapasy da sondai bolmaq. Ádiletti, Ozyq, Taza, Qaýipsiz jáne Qýatty Qazaqstannyń irgesi mektepte qalanady", - dedi Prezident.
