Memleket basshysy Qasym-Jomart Toqaev tamyz konferentsiiasynyń plenarlyq otyrysynda sóiledi. Prezident "Pedagog mártebesi týraly" zańǵa ustaz quqyǵyn qorǵaý jóninde ózgerister engizýdi usyndy,- dep habarlaidy Dalanews.kz
Biylǵy jiyn "Bilim keleshegi: adal azamat, kásibi maman" taqyrybyna arnalady.
"Muǵalimniń quqyǵyn qorǵaý máselesi árdaiym basty nazarda bolýǵa tiis. Men sóz basynda ustazdardyń óz mindetinen tys jumystardan bosatylǵanyn aittym. Biraq keide jergilikti bilik ókilderi zań talaptaryn óreskel buzyp jatady. Prokýratýra organdary mundai zańbuzýshylyqtarǵa tosqaýyl qoiýy kerek. Sondai-aq, balalarǵa qatysty kez kelgen jazataiym jaǵdai úshin de muǵalimdi jazalaý orynsyz dep sanaimyn", - dedi Toqaev.
Memleket basshysynyń pikirinshe, mektepten tys jerde ata-analardyń jaýapsyzdyǵynan oqys oqiǵa bolsa, oǵan ustaz jaýapty emes.
"Almaty oblysynda túlekter arasynda bolǵan qaiǵyly jaǵdai úshin direktor men muǵalimder jaýapqa tartylyp, jumystan shyǵaryldy. Ministrlik olardyń múddesin qorǵap qaldy. Durys. Biz mundai keleńsizdikke jol bermeýimiz kerek. "Pedagog mártebesi týraly" zańǵa ustaz quqyǵyn qorǵaý jóninde ózgerister engizý qajet dep sanaimyn. Memlekettiń mindeti – muǵalimniń qoǵamdaǵy bedelin jáne mártebesin meilinshe arttyrý", - dedi Prezident.
