Marqum Sherzat Bolattyń otbasynyń advokaty Meiirman Shekeev Instagram-daǵy paraqshasynda BAQ-ta tarap jatqan aqparatqa qatysty pikir bildirdi,- dep habarlaidy Dalanews.kz.
Onyń sózinshe, áleýmettik jelide, iri media portaldarda Qarjaýbaidyń úii órtengenine bailanysty is toqtatylǵany týraly aqparat tarap jatyr.
"Dese de bul shyndyqqa sáikes kelmeidi. Sebebi bizge málim aqparatqa sáikes QR Qylmystyq-protsestik kodeksiniń 45-baby 7-bóligi 5-tarmaqshasyna sáikes tek sotqa deiin tergep-tekserý merzimi úzilgen. Bul degen sóz is jabylǵanyn bildirmeidi. Sondyqtan shynaiy aqparatqa seneiik", - dedi ol.
Sherzat Bolattyń ólimi týraly ne belgili?
Eske salaiyq, byltyr Talǵarda jappai tóbeles bolyp, saldarynan 16 jastaǵy jasóspirim Sherzat Bolat kóz jumdy.
Kámeletke tolmaǵan balany óltirý deregi boiynsha Almaty oblysynyń Politsiia departamenti qylmystyq is qozǵady. Sondai-aq, olardyń úii órtenip ketti.
Kóp uzamai, iaǵni 9 jeltoqsanda marqum Sherzat Bolattyń aǵasy Nurǵanat Ǵaiypbaev ajal qushty. Politsiia departamenti aldyn ala derekter boiynsha ol sýitsid jasaǵanyn málimdedi. Oǵan dálel retinde politseiler Nurǵanattyń týysyna messendjer arqyly jazǵan hatyn jariia etti.
Al marqum Sherzattyń ákesi baýyry Nurǵanat Ǵaiypbaevty jer qoinyna tapsyrǵannan keiin buqaralyq aqparat quraldarymen kezdesýdi talap etip, kóshege shyqty. Alaida araǵa uzaq ýaqyt salmai Qarjaýbai Nurymovty politsiia qyzmetkerleri ustap áketti. Artynsha Sherzat Bolattyń ápkesi qamaýǵa alyndy. Keiin Qarjaýbai Nurymov 15 táýlikke ákimshilik qamaýǵa alyndy.
Jýyrda osy is boiynsha sot sheshimi shyqty. Tergeý málimetinshe, Sherzatqa pyshaq jaraqatyn salǵan basty aiyptalýshy Abzal Shynasyl 23 jylǵa bas bostandyǵynan aiyryldy. Ravil Sakiev 20 jylǵa sottaldy.
Qalǵan aiyptalýshylar 7 jyldan 15 jylǵa deiin bas bostandyǵynan aiyryldy. Kámeletke tolmaǵan Y.D. 1,5 jylǵa bas bostandyǵynan aiyryldy.
